Xitay döletlik putbol komandisining süriyege utturup qoyushi xitay top mestanilirige qattiq har kelgen

Muxbirimiz erkin
2016-10-07
Share

6‏-Öktebir, dunya putbol longqisining asiya rayoni guruppa teyyarliq musabiqisi xitayning shi'en shehiride ötküzülüp, xitay döletlik putbol komandisi süriye komandisigha 0 de 1 utturup qoyghan.

Uning, 4 yilliq urush otida pütünley weyran bolghan süriyedek bir döletke utturup qoyushi xitay top mestanilirige qattiq har kelgen. Netijide, onminglighan top mestanisi shi'en tenterbiye meydanining sirtigha yighilip, xitay putbolchilar jem'iyitining re'isi sa jénxu'aning istépa bérishini telep qilghan. Emma da'iriler qoralliq saqchilarni chiqirip, namayishni kontrol qilghan hem axbaratning mezkur hadisini xewer qilishini chekligen.

Kéler nöwetlik dunya longqisi 2018‏-yili rusiyede ötküzülidu. Shi'endiki guruppa teyyarliq musabiqide 12 komanda riqabetke chüshken idi. Süriye-xitay komandilirining musabiqisi bashlinip, 54 minut ötkende süriye komandisi xitay waritasigha bir top uruwetken.

Emma, xitay komandisi pütün musabiqide süriye waritasigha qayturup bir top kirgüzelmigen. Béyjing sana'et penler uniwérsitétining proféssori xu shingdu, jüme küni radiyomizda qilghan sözide, xitayning putbol siyasitini tenqidlep, “Puqralarning jismaniy salametliki jiddiy kapaletke éhtiyajliq boluwatqan ehwalda, putbol chong döliti bolushni qoghlishish bihude awarichilik” dégen.

Uning qarishiche, xitay putbolgha salghan meblighini bashlan'ghuch, ottura mektep oqughuchilirining jismaniy sapasini yaxshilashqa salsa yaxshiraqken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet