Xitay qatil gumandarining butxanigha rahib we siyasiy kéngeshke eza boluwalghanliqi ashkarilandi

Xitay we xelq'ara axbarat wasitiliride xewer qilinishiche, 2000‏-yili xitayning xéylongjyang ölkiside 3 kishini pichaqlap öltürgen bir qatilliq délosigha chétilghan gumandar jang liwéyning 16 yildin béri enxuydiki bir butxanida yoshurunup kelgenliki ashkarilan'ghan.

Xewerlerde bayan qilinishiche, u weqe sadir qilghandin kéyin xéylongjyangning 1000 kilométir jenubidiki enxuyning féngyang nahiyesige köchüp kelgen we chéchini chüshürüwétip u yerdiki lungshyang ibadetxanisigha kirgen. U bu butxanida deslepte ashpez, arqidin rahib, hetta féngyang nahiyilik siyasiy kéngeshning ezasi bolup teyinlen'gen.

Hindistan ékspirs gézitining bügünki bu heqtiki xewiride bayan qilishiche, jang liwéy pasportqa resimge chüshüsh üchün saqchixanigha barghan we barmaq izi élin'ghan chaghda, uning 16 yil awwalqi qatil gumandari ikenliki pash bolup qalghan.