Xitay téxnika shérketliri "Uyghurlarni bayqash" iqtidarliq sistémilarning patént hoquqini tizimgha aldurghan

Muxbirimiz irade
2021-01-14
Share

Xitaydiki chong téxnika shérketlirining Uyghurlarni bayqash, iz qoghlash we nazaret qilish iqtidarigha ige sistémilarning patént hoquqini tizimgha aldurghanliqi ashkarilandi.

Roytérs agéntliqining xewer qilishiche, buni nazaret sistémiliri üstide tetqiqat élip baridighan "IPVM" tetqiqat shirkiti tekshürüp qézip chiqqan bolup, ular bu sistémilarning 2017-yilidin bashlapla tizimgha aldurulushqa bashlighanliqini bayqighan.

"IPVM" tetqiqatchisi charlés rollét roytérsqa qilghan sözide "Xitay saqchiliri bu téxnika arqiliq chong sanliq melumat ambirida sün'iy eqil téxnikisi arqiliq xitay emes yaki Uyghur dep belge sélin'ghan ademlerni tekshüreleydu. Buning kishilik hoquqqa muhim tesiri bar," dégen.

Melum bolushiche, bu téxnikaning patént hoquqini tizimgha aldurghan xitay shirketliri muxbirlarning so'allirigha jawab qayturmighan. Biraq ular "IPVM" gha qayturghan inkasida paténtqa iltimas qilghanliq bu téxnikalarning choqum shu meqsette qollinilidighanliqidin dérek bermeydighanliqini ilgiri sürgen.

Biraq, "Kishilik hoquqni közitish teshkilati" we "Uyghur herikiti" qatarliq teshkilatlar bolsa kishilik hoquqni ochuq-ashkara depsende qilidighan bundaq téxnikalarning intayin xeterlik ikenlikini, buninggha dunyaning küchlük yosunda inkas qayturushi kéreklikini bildürgen.

"IPVM" doklatigha qarighanda, xitaydiki nurghunlighan yuqiri derijilik bixeterlik kaméra ishlepchiqarghuchiliri "Uyghur chirayini tonush" iqtidari bilen bilen teminleydighan bolup, buning ichide "Hikvision, Dahua we Uniview" din ibaret üch chong shirket bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet