Amérika soda ministirliqi yene xitayning 7 chong alahide iqtidarliq kompyutér shirkitini qara tizimlikke kirgüzgen

Muxbirimiz jewlan
2021-04-09
Share

Amérika CNBC torining 8-aprél bergen xewirige qarighanda, amérika soda ministirliqi dölet bixeterlikini oyliship, xitayning 7 chong alahide iqtidarliq kompyutér shirkitini qara tizimlikke alghan. Bular tyenjin féyténg uchu téxnikisi shirkiti, shangxey yuqiri iqtidarliq toplashturulghan tok yoli layihelesh merkizi, shénwéy mikro éléktron shirkiti, döletlik derijidin tashqiri hésablash merkizi jinen shöbisi, döletlik derijidin tashqiri hésablash merkizi shénjén shöbisi, döletlik derijidin tashqiri hésablash merkizi wushi shöbisi we döletlik derijidin tashqiri hésablash merkizi jéngju shöbisi qatarliqlar iken.

Amérika soda ministirliqi bu 7 shirketni xitay herbiy terepke alahide iqtidarliq kompyutér yasap bergenliki, xitay armiyesini zamaniwilashturush we keng kölemlik qirghuchi qorallarni ishlepchiqirishqa yardem bergenliki üchün qara tizimlikke kirgüzgen. Amérika soda minsitiri gina raymond mundaq dégen: "Alahide iqtidarliq kompyutérlar zamaniwi qorallar we dölet bixeterlik sistémisining tereqqiyatida halqiliq rol oynaydu. Mesilen, atom qoralliri we awazdin téz uchidighan ayropilarning hemmisi dégüdek uninggha tayinidu. Amérika soda ministirliqi xitayning amérikaning téxnikisidin paydilinip öz armiyesini zamaniwilashturushigha, muqimliqni buzushqa urunishigha hergiz yol qoymaydu."

Analizchilarning qarishiche, amérikaning bu yuqiri téxnikiliq shirketlerni jazalash qarari xitayni téxnika jehettin arqida qalduridiken we uning herbiy kéngeymichiliki we jahan'girlik qara niyitige küchlük zerbe béreleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet