Байден америкалиқлар мәбләғ селишқа болмайдиған хитай ширкәтлири тизимликини елан қилидикән

Мухбиримиз ирадә
2021-06-03
Share

Америка президенти җов байден бу һәптә америкалиқ мәбләғ салғучиларниң мәбләғ селишиға йол қоюлмайдиған хитай ширкәтлиригә аит йеңи тизимликни елан қилидикән.

Бундин илгири сабиқ америка президенти доналд трамп америкалиқларниң хитай армийәсигә четишлиқ дәп қаралған 31 хитай ширкитиниң пай чекини сетивелишини чәклигән. Бу тизимликтә хитай көчмә хәвәрлишиш гуруһи, хитай телеграф ширкити, назарәт камера ширкити болған "Hikvision" вә хитай төмүр йол қурулуш ширкити қатарлиқ ширкәтлири бар иди.

Билумберг агентлиқиниң хәвиригә қариғанда, байденниң йеңи буйруқида малийә министирлиқиниң хитайниң һәрбий мудапиә вә назарәт қилиш техникиси саһәлири билән болған алақидар болғанлиқтин иқтисадий җазаға учрайдиған ширкәтләрниң тизимлики елан қилиниш билән биргә, униң сиҗиллиқиға капаләтлик қилиш муһим нуқта болидикән. Байден һөкүмити юқиридики бу тизимликкә йәниму көп хитай ширкәтлирини қошуши мумкин икән.

Хәвәрдә ейтилишичә, хитайға тақабил туруш мәсилисидә америка дөләт мәҗлисидики икки партийә әзалири аз көрүлидиған бирлик һасил қилған болуп, уларниң хитай һөкүмитиниң йәршаридики тәсир күчигә тақабил туруштики нийити кәскин икән.

Җумһурийәтчиләр партийәсиниң кеңәш палата әзаси том коттон, марко рубио вә демократчилар партийәсиниң әзаси гари петерс вә марк келлий бирликтә бу һәптә бешида бирликтә очуқ хәт елан қилип "америка һөкүмити чоқум хитай компартийәсиниң америка санаитигә қаратқан иқтисадий һуҗумини тосушта дадил һәрикәт қилиши керәк" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт