Baydén amérikaliqlar meblegh sélishqa bolmaydighan xitay shirketliri tizimlikini élan qilidiken

Muxbirimiz irade
2021-06-03
Share

Amérika prézidénti jow baydén bu hepte amérikaliq meblegh salghuchilarning meblegh sélishigha yol qoyulmaydighan xitay shirketlirige a'it yéngi tizimlikni élan qilidiken.

Bundin ilgiri sabiq amérika prézidénti donald tramp amérikaliqlarning xitay armiyesige chétishliq dep qaralghan 31 xitay shirkitining pay chékini sétiwélishini chekligen. Bu tizimlikte xitay köchme xewerlishish guruhi, xitay télégraf shirkiti, nazaret kaméra shirkiti bolghan "Hikvision" we xitay tömür yol qurulush shirkiti qatarliq shirketliri bar idi.

Bilumbérg agéntliqining xewirige qarighanda, baydénning yéngi buyruqida maliye ministirliqining xitayning herbiy mudapi'e we nazaret qilish téxnikisi saheliri bilen bolghan alaqidar bolghanliqtin iqtisadiy jazagha uchraydighan shirketlerning tizimliki élan qilinish bilen birge, uning sijilliqigha kapaletlik qilish muhim nuqta bolidiken. Baydén hökümiti yuqiridiki bu tizimlikke yenimu köp xitay shirketlirini qoshushi mumkin iken.

Xewerde éytilishiche, xitaygha taqabil turush mesiliside amérika dölet mejlisidiki ikki partiye ezaliri az körülidighan birlik hasil qilghan bolup, ularning xitay hökümitining yersharidiki tesir küchige taqabil turushtiki niyiti keskin iken.

Jumhuriyetchiler partiyesining kéngesh palata ezasi tom kotton, marko rubi'o we démokratchilar partiyesining ezasi gari pétérs we mark kélliy birlikte bu hepte béshida birlikte ochuq xet élan qilip "Amérika hökümiti choqum xitay kompartiyesining amérika sana'itige qaratqan iqtisadiy hujumini tosushta dadil heriket qilishi kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet