Президент трамп алдимиздики күнләрдә хитай юмтал ширкәтлиригә қарши тәдбир қоллиниду

Мухбиримиз әркин
2020-08-03
Share

Президент трампниң америка дөләт бихәтәрликигә тәһдит, дәп қариливатқан хитай юмтал ширкәтлиригә қарши алдимиздики бир қанчә күн ичидә тәдбир қоллинидиғанлиқи илгири сүрүлди. Америка ташқи ишлар министири майк помпейо президент трампниң бу мәсилидә һәрикәткә өтүшиниң пәқәт «пат йеқиндики бир мәсилә»» икәнликини билдүргән. Помпейо бу сөзләрни президент трампниң тикток тоғрисидики сөзлириниң арқисидинла қилған. Трамп өткән җүмә күни өзиниң пат йеқинда тиктокни чәкләйдиғанлиқини билдүргән. Лекин қачан чәкләйдиғанлиқиниғ ейтмиғаниди

2-Авғуст күни йәнә америка малийә министири минучин башқа бир телевизийә қанилиниң зияритини қобул қилип, «биз тик токниң һазирқи һалитидә униңға давамлиқ йол қоялмаймиз» дегән. Хитайчида дойин, дәп атилип келиватқан тик ток юмтали бейҗиңдики «зиҗйе тявдоң» намлиқ хитай ширкитигә қарашлиқ болуп, мәзкур ширкәт хитайниң уйғурларни бастурушиға ярдәм берип келиватқан технологийә гуруһлириниң бири, дәп қарилип келиватқаниди. Помпейониң 2-авғуст тәкитлишичә, тикток, үндидар қатарлиқ юмталлар «хитай компартийәсини биваситә санлиқ учур мәлумати билән тәминлимәктикән».

У американиң узундин бери буниңға йол қоюп кәлгәнлики, лекин һазир президент трампниң «болди йетәр!» дегәнликини билдүргән. Америка таратқулириниң тәкитлишичә, микрософт ширкити «зиҗйе тявдоң» билән тиктокни сетивелишни сөзлишиватқан икән. Лекин, президент трампниң сезидин кейин бу сөһбәт үзүлүп қалған. Тикток чәтәлдики абонтлириниң шәхсий учурини хитайға йоллап, хитайда топлаватқанлиқи, хитай һөкүмитиниң бу учурларни кәлгүсидә шу шәхсләргә қарши ишлитиши мүмкинлики агаһландурулуп кәлди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт