Prézidént tramp aldimizdiki künlerde xitay yumtal shirketlirige qarshi tedbir qollinidu

Muxbirimiz erkin
2020-08-03
Share

Prézidént trampning amérika dölet bixeterlikige tehdit, dep qariliwatqan xitay yumtal shirketlirige qarshi aldimizdiki bir qanche kün ichide tedbir qollinidighanliqi ilgiri sürüldi. Amérika tashqi ishlar ministiri mayk pompéyo prézidént trampning bu mesilide heriketke ötüshining peqet "Pat yéqindiki bir mesile"" ikenlikini bildürgen. Pompéyo bu sözlerni prézidént trampning tiktok toghrisidiki sözlirining arqisidinla qilghan. Tramp ötken jüme küni özining pat yéqinda tiktokni chekleydighanliqini bildürgen. Lékin qachan chekleydighanliqinigh éytmighanidi

2-Awghust küni yene amérika maliye ministiri minuchin bashqa bir téléwiziye qanilining ziyaritini qobul qilip, "Biz tik tokning hazirqi halitide uninggha dawamliq yol qoyalmaymiz" dégen. Xitaychida doyin, dep atilip kéliwatqan tik tok yumtali béyjingdiki "Zijyé tyawdong" namliq xitay shirkitige qarashliq bolup, mezkur shirket xitayning Uyghurlarni basturushigha yardem bérip kéliwatqan téxnologiye guruhlirining biri, dep qarilip kéliwatqanidi. Pompéyoning 2-awghust tekitlishiche, tiktok, ündidar qatarliq yumtallar "Xitay kompartiyesini biwasite sanliq uchur melumati bilen teminlimektiken".

U amérikaning uzundin béri buninggha yol qoyup kelgenliki, lékin hazir prézidént trampning "Boldi yéter!" dégenlikini bildürgen. Amérika taratqulirining tekitlishiche, mikrosoft shirkiti "Zijyé tyawdong" bilen tiktokni sétiwélishni sözlishiwatqan iken. Lékin, prézidént trampning sézidin kéyin bu söhbet üzülüp qalghan. Tiktok chet'eldiki abontlirining shexsiy uchurini xitaygha yollap, xitayda toplawatqanliqi, xitay hökümitining bu uchurlarni kelgüside shu shexslerge qarshi ishlitishi mümkinliki agahlandurulup keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet