Xitay da'iriliri Uyghur élida kentler bilen karxanilarni birleshtürüsh herkiti bashlighan

Muxbirimiz erkin
2021-12-10
Share

Xitay Uyghurlarni “Namratliqtin qutquzush” namida keng kölemlik mejburiy emgekke sélish bilen eyibliniwatqan we ishlepchiqarghan mehsulatliri imbargogha uchrashqa duch kelgen bir waqitta, Uyghur élidiki kentler bilen karxanilarni birleshtürüsh herkiti bashlighan. Xitay taratqulirining éytishiche, “Tümen karxana tümen kentni güllendürüsh” dep atalghan bu heriket atalmish “Namratliqtin qutquzushta érishken netijilerni yéza-kentlerni güllendürüsh bilen baghlashning muhim tedbiri” iken.

Xitay hökümiti 2017-yili bashlan'ghan tutqun bilen bir waqitta, Uyghur yéza-kentlirige nurghun xitay karxanilirini yötkep kélip, “Jayida ishqa orunlashturush” namida yéza-kentlerde qep qalghan Uyghur emgek küchlirini bu karxanilarda “Herbiy tüzüm” bilen ishqa salghan. “Shinjang géziti” ning xewer qilishiche, Uyghur aptonom rayonluq da'iriler 9-dékabir ‍ürümchide yighin ötküzüp, “Tümen karxana tümen kentni güllendürüsh” herkitini bashlighan. Yighin'gha Uyghur aptonom rayonluq partkom birliksep bölümining bashliqi zumret obul qatnashqan hem söz qilghan.

“Shinjang géziti” ning éytishiche, 2016-yildin béri 1747 xususiy karxana rayondiki 2157 kent, 420 ming ahalining atalmish “Namratliqtin qutulushi” gha yardem bergen. Xitay da'irilirining bu heriketni amérika awam palatasi mutleq köp awaz bilen “Uyghur mejburi emgikining aldini élish qanun layihesi” maqullap, Uyghur élida ishlepchiqirilghan mejburi emgek mehsulatlirining amérikagha import qilinishini chekleshke kirishken bir waqitta bashlishi, diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet