Хитай һөкүмити уйғур районида "йезидин чиқмай ишқа орунлаштуруш" ни йолға қоймақчикән

Мухбиримиз җәвлан
2020-12-30
Share

Хитайчә "шинҗаң гезити" ниң 30-декабир тарқатқан хәвиридә ейтилишичә, 2020-йил пүткүл уйғур районида аптоном район, вилайәт, наһийә, йеза, мәһәллә бойичә "бәш дәриҗилик ишқа орунлишиш аммиви мулазимәт системиси" бәрпа қилинған болуп, һәр қайси шәһәр, йезиларда қурулған ишқа орунлишиш хизмәт понкити 11миң 735 кә йәткән.

Бу хизмәткә мәсул бир хитай әмәлдариниң билдүрүшичә, йәрлик һөкүмәтләр асасий қатламда "йезидин чиқмай сиясәт йүргүзүш, йезидин чиқмай хизмәт тепиш" тәдбирини йолға қойған болуп, учурларни торлаштуруш билән ишқа орунлаштуруш бир гәвдигә айланған мулазимәт суписини қуруп чиққан.

Тәһлилчиләрниң қаришичә, "йезидин чиқмай хизмәт тепиш" дегини әмәлийәттә уйғурларни өз йеридә өз игиликидин айрип қул қилиш дегәнликни билдүридикән. Хитай һөкүмити уйғурларниң өй-земинини түзләп бина селип, уларниң яшаш муһитини вәйран қилған болса, намратлиқни йөләш баһаниси билән уларниң терилғу йерини тартивелип завут қуруп, уларни азғинә маашқа ишләйдиған қул әмгәкчиләргә айландурған. Хитайниң уйғур йезилирини шәһәрләштүрүш пилани әмәлийәттә уйғур деһқанлирини әркин игиликтин мәһрум қилип, заманиви қулға айландуруш қара нийитини билдүридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт