Хитайниң ташқи тиҗаритидики астилаш давам қилмақтикән

Мухбиримиз ирадә
2016-10-04
Share

Ройтерс агентлиқиниң хәвәр қилишичә, хитайниң ташқи тиҗаритидики астилаш давамлашмақтикән. Хитай сода министири шен дәняң бу һәқтә мухбирларға қилған сөзидә: “хитайниң ташқи тиҗаритидики қийинчилиқлар қисқа муддәтлик әмәс, тиҗарәтни астилишиға сәвәб болуватқан бесимлар һелиһәм юқири вә ениқсиз. Униң үстигә мустәһкәм болмиған карханиларму җиқлап меңиватиду” дегән. У йәнә мундақ дегән :

“биз хитайниң импорт вә експортида қариғуларчә һалда иҗабий болсақ болмайду. Чүнки вәзийәт һелиһәм мурәккәп вә хәтәрлик”.

Мәлум болушичә, өткән йиллардин буян америка вә явропа иттипақи хитайдин кириватқан малларға қаратқан тәкшүрүшни күчәйткән болуп, бу йилниң алдинқи 8 ейидила 20 дөләт вә район хитайниң 10 милярд доллардин ошуқ қиммәткә игә болған експорт түрлиригә қарита 85 хил тәкшүрүшни йолға қойған. Америкиму өз қанунлиридики мунасивәтлик маддиларға асасән хитайдин киргән малларға қарита 15 түрлүк тәкшүрүш башлатқан икән.

Йеқинқи йиллардин буян америка вә явропа иттипақи хитайни тәңсиз тиҗарәт қилиш билән әйибләп кәлгән. Бу дөләтләр йәнә хитайни ешинча алюмин вә полат мәһсулатлирини зор дәриҗидә експорт қилип, хәлқара санаәткә вә баһаға сәлбий тәсир пәйда қиливатқанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт