Xitayning tashqi tijaritidiki astilash dawam qilmaqtiken

Muxbirimiz irade
2016-10-04
Share

Roytérs agéntliqining xewer qilishiche, xitayning tashqi tijaritidiki astilash dawamlashmaqtiken. Xitay soda ministiri shén denyang bu heqte muxbirlargha qilghan sözide: "Xitayning tashqi tijaritidiki qiyinchiliqlar qisqa muddetlik emes, tijaretni astilishigha seweb boluwatqan bésimlar hélihem yuqiri we éniqsiz. Uning üstige mustehkem bolmighan karxanilarmu jiqlap méngiwatidu" dégen. U yene mundaq dégen :

"Biz xitayning import we éksportida qarighularche halda ijabiy bolsaq bolmaydu. Chünki weziyet hélihem murekkep we xeterlik".

Melum bolushiche, ötken yillardin buyan amérika we yawropa ittipaqi xitaydin kiriwatqan mallargha qaratqan tekshürüshni kücheytken bolup, bu yilning aldinqi 8 éyidila 20 dölet we rayon xitayning 10 milyard dollardin oshuq qimmetke ige bolghan éksport türlirige qarita 85 xil tekshürüshni yolgha qoyghan. Amérikimu öz qanunliridiki munasiwetlik maddilargha asasen xitaydin kirgen mallargha qarita 15 türlük tekshürüsh bashlatqan iken.

Yéqinqi yillardin buyan amérika we yawropa ittipaqi xitayni tengsiz tijaret qilish bilen eyiblep kelgen. Bu döletler yene xitayni éshincha alyumin we polat mehsulatlirini zor derijide éksport qilip, xelq'ara sana'etke we bahagha selbiy tesir peyda qiliwatqanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet