Xitay amérika bilen teywenning herbiy alaqisigha naraziliq bildürdi

Muxbirimiz ümidwar
2016-12-12
Share

Ötken jüme küni amérika dölet mejlisi kéngesh palatasi amérikaning 2017 yilliq dölet mudapi'esi hoquq bérish qanuni köp awaz bilen qobul qilghan bolup, buningdiki bir madda teywen bilen bolghan herbiy alaqigha qaritilghan idi.

Amérika awazining yézishiche, xitayning "Yer shari géziti" bu munasiwet bilen xitay dölet mudapi'e ministirlikining bayanatini élan qilghan bolup, uningda "Xitay terepning amérika bilen teywenning her qandaq shekildiki herbiy alaqisigha qet'iy qarshi turidighanliqi"ni bildürgen. Xitay terep yene amérika terepni "Xitayning ichki ishigha arilashti, teywen déngizi rayonining muqimliqigha buzghunchiliq qildi" dégendek ibariler bilen eyibligen.

Emma, bu qanun hazir téxi prézidént obama teripidin imza qoyulmighan bolup, eger obama imza qoysa resimi küchke ige bolidiken.

Amérika awazining xewerliridin melum bolushiche, uningdin azraq ilgiri mezkur qanun awam palata teripidin qobul qilin'ghanda, teywen dölet mudapi'e ministirliki buni qarshi alidighanliqi, we teywenning amérika bilen herbiy hemkarliqni téximu yaxshi rawajlandurush istikini bildürgen. Melum bolushiche, teywen amérikidin köp miqdarda qoral - yaraq sétiwélish ümidide bolmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet