Xitay taratqulirida jon oliwérning nami men'i qilindi

Muxbirimiz eziz
2018-06-21
Élxet
Pikir
Share
Print

En'gliyelik meshhur komédiye artisi jon oliwér ötken hepte 20 minutluq téléwiziye programmisi ishlep, xitay rehbiri shi jinpingning insan heqliri depsendichilikini qattiq qamchilighan idi.

Mezkur komédiyelik programma torgha chiqqandin kéyin körülüsh qétim sani üch kündila üch milyondin éship ketken. Roytérs agéntliqining 21-iyundiki xewirige qarighanda, xitaydiki eng chong mikro blog bolghan "Wéybo" blogi uning ismini hemde uning komédiyelik programmisini bügündin bashlap tor dunyasida men'i qilghan.

Melum bolushiche, 17-iyun küni tarqitilghan bu komédiyelik programmida oliwér xitaydiki dölet re'isining wezipe ötesh yil cheklimisini bikar qilish, "Shi jinping idiyesi" ni partiye nizamnamisige kirgüzüsh qatarliq ehwallarni tenqidligen shundaqla shi jinpingning "Bir belwagh bir yol" qurulushi mesxire qilinip, Uyghur diyaridiki siyasiy basturush heriketliri pash qilin'ghan.

Shu qatarda oliwér yene Uyghurlar diyaridin yéqinda amérikigha kelgen sha'ir tahir hamutning "Wal-sitrét zhurnili" gézitige bergen widiyoluq bayanlirini neqil keltürüsh arqiliq Uyghurlarning siyasiy jehette qandaq ziyankeshliklerge uchrawatqanliqini, Uyghurlarning natsistlar gérmaniyesi dewridikige oxshash qatmu-qat cheklimilerge duch kéliwatqanliqini esletken.

U yene xitay kompartiyesining dunyagha kelgendin buyan xitay xelqige qandaq balayi'apetlerni élip kelgenlikini janliq we ishenchlik tarixiy pakitlar bilen komédiyelik tüste bayan qilip bergen.

B b s ning bu heqtiki xewirige qarighanda, jon oliwérning ismi ötken yilimu xitayda mushundaq men'i qilin'ghan. U chaghda u tibetlerning meniwi dahiysi dalay lama bilen téléwiziye söhbiti ötküzgen hemde xitayning alaqidar siyasetlirini mesxire qilghan iken.

Toluq bet