Америка кеңәш палата истихбарат комитети хитайниң америка дөләт бихәтәрликигә зор тәһдитликини тәкитлигән

Мухбиримиз ирадә
2021-08-05
Share

Америка кеңәш палатасиниң истихбарат комитети 4-авғуст күни бир очуқ испат аңлаш йиғини ечип, хитайниң американиң дөләт бихәтәрликигә елип келиватқан тәһдитиниң күнсери күчийиватқанлиқини тәкитлигән.

"дөләт мәҗлиси" намлиқ журналниң хәвәр қилишичә, дөләт мәҗлис әзалири сөзидә хитайниң америка ширкәтлири вә һалқилиқ органларға қаритиватқан тор һуҗумлири, американиң билим мүлүк һоқуқи саһәсидә қиливатқан оғрилиқи қатарлиқ нурғун мәсилиләрдә алаһидә тохталған.

Кеңәш палатаси истихбарат комитетиниң рәиси марк варнер болса сөзидә америка җамаитиниң бу тәһдиттин хәвири болуши керәкликини тәкитләп "адәттә истихбарат комитети очуқ испат аңлаш йиғини ачмайду, әмма муавин рәисимиз марко рубийо вә мән болуватқанлардин америка җамаитиниң хәвири болуши керәк дәп қараймиз" дегән.

Марко рубио болса хитайниң һәр саһәдә американи аҗизлаштуруш урунушиға сәл қарашқа болмайдиғанлиқини, болупму техника саһәсидә хитайға тақабил турулуши керәкликини, хитайниң аллиқачан бир тәһдит болуп шәкиллинип болғанлиқини әскәрткән.

Йиғинда йәнә, америка дөләтлик җасуслуққа қарши туруш вә бихәтәрлик мәркизи (NCSC) ниң сабиқ мудири, вә еванина гурупписиниң қурғучиси вә баш иҗраийә әмәлдари вилям еванинаму гуваһлиқ бәргән болуп, у сөзидә пәқәт 2020-йилила хитайниң 300 милярд доллардин 600 милярд долларғичә билим мүлк һоқуқи вә сода мәхпийәтлики оғрилиғанлиқини ейтқан вә "бүгүнки тема. . . Мәвҗутлуқ тәһдити, у дөлитимиз дуч кәлгән әң мурәккәп, әң зиянлиқ, әң мутиһәмләрчә истратегийәлик тәһдиттур" дәп сүпәтлигән.

Кеңәш палата әзалири йиғинда американиң чоқум дәрһал вә мувапиқ тәдбир қоллиниши, болупму техника вә мудапиәдә кәскин тәдбирләрни қоллинип хәвпкә тақабил туруши керәкликини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт