Амеирика хитайниң һәр җәһәттин тәһдит икәнликини тонуп йәтмәктә

2020-12-09
Share

"вал-ситрет журнили" гезитиниң 8-дикабир бәргән хәвиригә қариғанда, америка қуруқлуқ армийә генерали марк миллей 7-декабир "вал-ситрет журнили" гезитиниң баш иҗраийә кеңиши башлиқлар йиғинида зиярәтни қобул қилғанда, бейҗиңниң арзуси тоғрисида мундақ дегән: "хитай 2035-йилға барғанда иқтисадиниң ешишини американиң һәрбий иқтидари билән тәң орунға йәткүзүшни, бу әсирниң оттурилириғичә қораллиқ тоқунушта американи мәғлуб қилалайдиған дәриҗигә беришни нишанлаватиду. Хитайниң бу нишани һазир вә кәлгүси бир нәччә йилда америка үчүн һәммидин муһим дөләт хәвпсизлики хирисидур."

Генерал миллей йәнә мундақ дегән: "зорийиватқан хитайдин мудапийәлиниш үчүн америка чоқум өзиниң иқтисадий вә һәрбий күчини тәрәққий қилдуруши керәк. Биз чоң дөләтләр риқабитиниң чоң дөләтләр урушиға айлинишини халимаймиз. Бу бир апәт болиду."

Америка дөләтлик истихбарат мудири җон ратклеф 4-декабир күни американиң нопузлуқ жорналлиридин "вал-сирит жорнили" гезитидә мақалә елан қилип, "хитай 1-номурлуқ дөләт хәвпсизлики тәһдитидур," дәп тәкитлигән иди.

Америка сода министири вилбур росму алдинқи күни милкен институти асия дөләтлири башлиқлар йиғининиң ечилиш күнидә сөз қилип: "хитай асиядики асаслиқ һәрбий вә иқтисадий тәһдит," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт