Хитай һөкүмити тәкшүрүш өмики уйғур районидики сиясәтләрдин рази болмиған вә бесимни давамлиқ күчәйтишни тәләп қилған

Мухбиримиз җәвлан
2021-02-10
Share

Хитайчә "шинҗаң гезити" ниң 9-феврал чиқарған хәвиригә қариғанда, йеқинда хитай мәркизий комитет 6-қетимлиқ тәкшүрүш гурупписи башлиқи ваң руңҗүн уйғур аптоном районлуқ партком әмәлдарлири билән көрүшүп, тәкшүрүш хизмитидә байқалған мәсилиләрни оттуриға қойған. Бу мәсилиләр асаслиқи ши җинпиңниң йеңи дәвр сотсиялизм идийәси, болупму "шинҗаң хизмити йиғини" роһини омумйүзлүк изчиллаштуралмаслиқ, "шинҗаңни тәртипкә селиш вә түзәш" иқтидари йетәрлик болмаслиқ, "җуңхуа миллити ортақ еңи қурулуши" ни пухта елип баралмаслиқ, "юқири сүпәтлик тәрәққият" ни йетәрлик илгири сүрәлмәслик қатарлиқлар икән.

Тәкшүрүш гурупписи башлиқи ваң руңҗүн улардин ши җинпиңниң йеңи дәвр сотсиялизм идийәсини йетәкчи қилип, 3 қетимлиқ "шинҗаң хизмити" йиғини роһини изчиллаштурушни, сиясий һушярлиқ вә вәзийәткә һөкүм қилиш иқтидарини өстүрүп, иҗраат күчини ашурушни, җуңхуа милләтлири ортақ еңини күчәйтип, җайларни тәртипкә селиш вә түзәш салмиқини ашуруп, бу районниң узақ муддәтлик муқимлиқиға капаләтлик қилишни тәләп қилған.

Чен чүәнго қатарлиқ хитай әмәлдарлири мәзкур тәкшүрүш гурупписи байқиған мәсилиләрниң әмәлийәт, оттуриға қойған тәләпләрниң тоғра икәнликини билдүргән һәмдә мәркәзниң үмидини ақлаш үчүн пүтүн сәп бойичә күрәш қилидиғанлиқини билдүргән.

Анализчиларниң қаришичә, хитайниң бу тәкшүрүш гурупписиниң мәқсити уйғур районидики бастуруш сияситини техиму күчәйтиш, зулум вә җинайәтни давамлаштурушқа йешил чирағ йеқип бериш. Хитайниң ахирқи нишани ши җинпиң идийәсини барлиқ етиқадниң орниға дәсситиш, "җуңхуа милләтлири ортақ еңи қурулуши" арқилиқ хитай милләтчиликини бималал йолға қоюп, башқа милләтләрни ассимилятсийә қилиш икән. Буниң ичидә, уйғурлар йәнила биринчи һуҗум нишани болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт