Xelq'ara olimpik komitéti 3 neper xitay tenherketchining altun midalini qayturiéwaldi

Muxbirimiz erkin
2017-01-13
Share

Xelq'ara olimpik komitéti peyshenbe küni uqturush chiqirip, 2008‏-yili béyjing olimpik musabiqiside altun médal alghan 3 neper xitay tenherketchining midalini qayturuwalghanliqini élan qildi. Médali qayturuwélin'ghan 3 ayal tenheriketchi éghirliq kötürüsh türi boyiche altun médalgha érishken.

Xelq'ara olimpik komitétining bildürüshiche, lyu chünxong, saw shi, chén shéyshya qatarliq bu 3 xitay tenherketchining musabiqidin burun rohlandurush dorisi qollan'ghanliqi bayqalghan. Merkizi wén'giriyening budapésht shehiridiki dunya éghirliq kötürüsh jem'iyiti bu 3 tenheriketchini ayrim jazalishi mumkin. Mezkur organ özining bayanatida, eger dölette 3 tenheriketchining dora ishletkenliki bayqalsa, bu döletke musabiqige qatnishishni cheklesh jazasi bérilidu, dégen.

Xelq'ara olimpik komitéti peyshenbe künki uqturushida jem'iy 8 neper tenheriketchini jazalighan. Bularning ichide ataqliq rusiye choyun top mahiri ostapchuq bar. Bu qétim altun médali tartiwélin'ghan 3 neper xitay mahiridin lyu chünxong ayallar 69 kilogramliqlar boyiche altum médalgha, lyu shy'éshya 48 kilogramliqlar boyiche altun médalgha, saw shi 75 kilogramliqlar boyiche altun médalgha érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet