"дуня мәтбуат әркинлики күни" дә хитай тәнқидләнди

Мухбиримиз әзиз
2016-05-03
Share

Бу йилқи "дуня мәтбуат әркинлики күни" дә хитайниң ахбарат әркинлики һәққидики әһвали дуняниң диққитини қозғимақта.

Чеграсиз мухбирлар тәшкилати бу мунасивәт билән "дунядики ахбарат тәқибчилики әң еғир" дөләтләрдин 12 ни рәткә тизип чиққан болуп, хитай рәиси ши җинпиң бу тизимликкә киргән. Чеграсиз мухбирлар тәшкилати өзлириниң баянатида "хитайда ахбарат пүтүнләй дөләт машинисиниң контроллуқида болуп кәлмәктә. Торға қаритилған тәқипму изчил вә системилиқ давам қилип қилип кәлмәктә" дәп алаһидә тәкитлигән.

Хәлқара кәчүрүм тәшкилатиму бу һәқтә тохтилип, "бүгүнки ахбарат әркинлики күнигә қәдәр хитай даирилири түрлүк ахбарат вә тор дунясиға болған контроллуқни қәдәмму-қәдәм күчәйтип кәлди, шундақла көплигән мухбирларни түрмигә ташлиди" дәп көрсәткән.

Илгири "пуқралар" журнилиниң мәсул муһәррирликини өтигән хуаң ляңтйән "хитай һечқандақ ахбарат әркинлики мәвҗут болмиған бир дөләт" деди. У мухбирларниң соаллириға җаваб бәргәндә "хитай өзиниң һәр дәриҗилик тәшвиқат бөлүмлири арқилиқ барлиқ ахбарат васитилирини контрол қиливалған. Ахбарат васитилириниң вәзиписи пәқәт партийиниң сиясәтлирини тәшвиқ қилиштин башқа нәрсә әмәс" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт