Уйғур сәнити давамлиқ һалда хитай сиясий тәшвиқатиниң қурбаниға айланмақта

Мухбиримиз әзиз
2020.01.15

Уйғур миллий кимликиниң бир муһим бәлгилиридин болған уйғур сәнити уйғур дияридики сиясий бастуруш җәрянида тәдриҗи уйғурларниң һаятлиқ паалийәт даирисидин сиқип чиқириливатқанда хитай артистларниң уйғур чалғу әсваблирини орунлиғучи болуп оттуриға чиқиши бир қисим кишиләрниң һәйранлиқини қозғимақта.

“хитай хәвәрлири” ториниң 14-январ күнидики хәвиридә уйғур дияридики уйғурлардин тәшкил тапқан от өчүрүш әтритиниң паалийити тонуштурулған. Буниңға қошумчә қилинған видийода хитай артислириниң “ғиҗәк арқилиқ‚вәтиним‛намлиқ нахшини орунлиғанлиқи” алаһидә тәкитләнгән. Шундақла уйғурлар билән хитайларниң “иттипақ вә инақ” мунасивәттә икәнлики, уларниң хитай дөлитини чин қәлбидин сөйидиғанлиқи алаһидә гәвдиләндүрүлгән. 

Мәсхирилик йери, филимдә хитай артисниң қолидики сатар хата һалда “ғиҗәк” дәп тонуштурулған. Бу һәқтә пикир баян қилған доктур қаһар барат буниң йеңи һадисә әмәсликини билдүрүп: “хитайлар илгириму шималдики көчмән хәлқләргә мәнсуп ‛әрху‚ дегән сазни қобул қилип, кеййнчә өзиниң қиливалған. Йәнә 8-әсирниң алди-кәйнидә уйғурларниң әҗдадлириға хас көплигән нахша-музика вә уссуллар сүй-таң сулалилириға тарқилип, кейинчә ашуларниң болуп кәткән” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.