Uyghur sen'iti dawamliq halda xitay siyasiy teshwiqatining qurbanigha aylanmaqta

Muxbirimiz eziz
2020-01-15
Élxet
Pikir
Share
Print

Uyghur milliy kimlikining bir muhim belgiliridin bolghan Uyghur sen'iti Uyghur diyaridiki siyasiy basturush jeryanida tedriji Uyghurlarning hayatliq pa'aliyet da'irisidin siqip chiqiriliwatqanda xitay artistlarning Uyghur chalghu eswablirini orunlighuchi bolup otturigha chiqishi bir qisim kishilerning heyranliqini qozghimaqta.

"Xitay xewerliri" torining 14-yanwar künidiki xewiride Uyghur diyaridiki Uyghurlardin teshkil tapqan ot öchürüsh etritining pa'aliyiti tonushturulghan. Buninggha qoshumche qilin'ghan widiyoda xitay artislirining "Ghijek arqiliq'wetinim'namliq naxshini orunlighanliqi" alahide tekitlen'gen. Shundaqla Uyghurlar bilen xitaylarning "Ittipaq we inaq" munasiwette ikenliki, ularning xitay dölitini chin qelbidin söyidighanliqi alahide gewdilendürülgen. 

Mesxirilik yéri, filimde xitay artisning qolidiki satar xata halda "Ghijek" dep tonushturulghan. Bu heqte pikir bayan qilghan doktur qahar barat buning yéngi hadise emeslikini bildürüp: "Xitaylar ilgirimu shimaldiki köchmen xelqlerge mensup 'erxu' dégen sazni qobul qilip, kéyynche özining qiliwalghan. Yene 8-esirning aldi-keynide Uyghurlarning ejdadlirigha xas köpligen naxsha-muzika we ussullar süy-tang sulalilirigha tarqilip, kéyinche ashularning bolup ketken" dédi.

Toluq bet