Xitayning "Alahide yesli" teshwiqati diqqet qozghidi

Muxbirimiz eziz
2021-04-06
Share

Uyghur diyaridiki zor tutqunning xewirige egiship nechche yüz ming Uyghur sebiylirining her xil namlardiki yeslilerge toplinip, kolléktip ménge yuyushning qurbanigha ayliniwatqanliqi melum bolghan idi. Yéqinda xitay hökümiti özlirining méyip Uyghur sebiylirige alahide ghemxorluq qiliwatqanliqini chong xewer qilip tarqitishqa bashlidi.

Xitay bashqurushidiki shinxu'a agéntliqining 6-apréldiki xewiride éytilishiche, qeshqerdiki méyiplar mulazimet merkizi qarmiqida tesis qilin'ghan alahide yeslide anglash iqtidarida mesile bar bolghan atmishqa yéqin Uyghur bala nahayiti yaxshi kütünmekte iken. Bu balilarning eng chongi alte yash bolup, ular bu yeslide bashqa yeslidiki balilargha oxshash til öginish bilen meshghul bolmaqta iken. Melum bolushiche, bu balilar qeshqer tewesidiki herqaysi nahiyelerdin toplan'ghan bolup, ularning ata-aniliri qeyerde ikenliki tilgha élinmighan.

Muhajirettiki analizchilar bu heqte pikir qilip "Bu xitay hökümitining yéqinqi mezgillerde barghanséri yuqiri pellige chiqiwatqan xitayni eyiblesh dunyawi chuqanlirigha taqabil turush tedbirlirining biri. Ular mushu arqiliq özlirining qanchilik 'aliyjanab' ikenlikini pesh qilmaqchi" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet