Xitay bimene axbarat élan qilish yighinliri échip, öz jinayetlirini inkar qilishqa urunmaqchi bolghanliqi ilgiri sürülmekte

Muxbirimiz jewlan
2021-04-07
Share

Saxta teshwiqatlirini toxtimay bazargha sélip, Uyghurlargha yürgüzüp kéliwatqan qebih jinayetlirini inkar qilish bilen aware boluwatqan xitay hökümiti chet el taratqulirining nezeridin qéchip qutulalmighan.

"Xewerler" tori bergen bir melumatqa qarighanda, xitayning amérika we awstraliyede turushluq elchixaniliri her türlük axbarat élan qilish yighinliri échip, "Xitayning Uyghur rayonidiki siyasitining yaxshi ikenliki, Uyghurlarning tinch, xatirjem, bextlik yashawatqanliqi, gherb taratqulirining siyasiy gherez üchün Uyghur weziyitini burmilap körsitidighanliqi" heqqide dawrang sélishqan.

Xitay tashqi ishlar ministirliqimu köp qétim axbarat élan qilish yighini échip, atalmish Uyghur shahitlarni sözlitip, xitay hökümitining jinayetlirini inkar qilghuzup kelgenidi. Xitay hökümiti buningliq bilen qalmay, chet eldiki elchixanilirinmu yalghan teshwiqat jéngige chaqirghan.

Charshenbe küni (7-féwral) xitayning kenbérrada turushluq elchixanisi awstraliyelik muxbirlarni teklip qilip, xitayning Uyghur rayonidiki qilmishlirini aqlash pa'aliyiti ötküzgen. Xitayning bash elchisi bu bimene "Axbarat élan qilish yighini" da Uyghurlarning zulumgha uchrimighanlqini, muxbirlarning "Heqiqiy ehwal" ni igilishi üchün yardem bériwatqanliqini éytqan.

Analizchilarning qarishiche, xitay özining iqtisadiy küchi we tesiri bilen bashqa döletlerni qayil qilalishigha ishen'ginidek, bu teshwiqat jéngidimu ghelibe qilishigha ishinidu. Emma xitay bezi döletlerni yalghan teshwiqatigha ishendürelisimu, heqiqetni körüp yetken we kishilik hoquqni üstün orun'gha qoyidighan gherb döletlirini ishendürelmeydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet