Уйғур райони даирилири йеңи зеландийә вәқәсиниму өзини ақлаш үчүн пакит қилишқа урунған

Мухбиримиз шөһрәт һошур
2019-04-10
Елхәт
Пикир
Share
Принт

Ашкарилинишичә, «вал стрет журнали» йеқинда үрүмчидә уйғур мәһәллиридә елип бериливатқан қурулушлар вә мәсчитләргә орунлаштурулған көзитиш аппаратлири һәққидә уйғур районидики алақидар орунларға факис арқилиқ соал йоллиған.

Соалларниң биридә бу қурулуш вә аппаратлириниң мәқсити уйғурларни назарәт астиға елиш яки әмәслики соралған. Бу соалға бир мәһәл кечикип җаваб қайтурған даириләр, мәсчитләргә орунлаштурулған көзитиш аппаратлириниң мәсчит җамаитиниң бихәтәрликини қоғдаш үчүн икәнликини, җамаәтниң бу аппаратлар арқилиқ гуманлиқ кишиләрни сақчиға мәлум қилидиғанлиқи вә һуҗумдин қоғдилидиғанлиқини чүшәндүргән.

Даириләр җаваб хетидә бу чүшәндүрүшиниң мәнтиқлиқ икәнликини билдүрүш үчүн өткән айда йеңи зеландийәдики икки мәсчиттә йүз бәргән террорлуқ вәқәсини әслитип өткән.

Хәттә очуқ һалда: «йеңи зеландийәдики мәсчиттә көп санда бигунаһ кишиләрниң өлгәнлики биз үчүн чоң сигнал; шуңа мәсчитләргә көзитиш аппарати орунлаштурғанлиқимиз мусулманларниң өзини вә диний паалийәтлирини қоғдаш үчүндур» дейилгән.

«Вал стрет журнали «ниң бүгүнки бу һәқтики хәвиридә хитайниң йеңи зеландийә мисалини пүтүнләй орунсиз қолланғанлиқи пакитлар билән көрситилгән. Хәвәрдә дейилишичә, хитай даирилири уйғурларни өзлиригә тәһдит яки әмәс дәп айришта, уларниң диний паалийәтлирини асас қилмақта; уйғурларниң «қурани кәрим» ни өйлиридә сақлишиму җинайәт саналмақта.

Мәзкур гезит бүгүнки хәвиридә үрүмчидики уйғур мәһәллилириниң чеқилиши, чоң базардики уйғур тиҗарәтчиләрниң дуканларниң тақилиши, кочидики уйғур навайларниң азийиши қатарлиқ йеңи реаллиқларниму тәсвирләп өткән.

Пикирләр (0)
Share
Толуқ бәт