Xotendiki Uyghur oqughuchilargha béyjingdin "Yardem" kélidiken

Muxbirimiz jewlan
2021-05-05
Share

"Tengritagh" torining yéqinda xewer qilishiche, béyjing yashlar fondi bilen shinjang yashlar fondi birliship, xotendiki yash-ösmürlerge "Yardem buyumliri" i'ane qilghan. "Béyjingda a'ilem bar" namida élip bériliwatqan bu pa'aliyet 2018-yil bashlan'ghan bolup, 4 yildin buyan a'ilisi namrat 62 oqughuchigha 3600 din artuq "Yardem buyumliri" i'ane qilin'ghan.

Xewerde éytilishiche, bu "Yardem buyumliri" asasen üstel chirighi, kompyutér, béyjingdiki xan sariyi we bashqa dangliq asare-etiqiler neqishlen'gen oqush qoralliri qatarliqlar bolup, oqughuchilarning béyjingdiki tarixiy yadikarliqlar we medeniyet izlirigha bolghan qiziqishini qozghaydiken. Bir bashlan'ghuch mektepning xitay mudiri mundaq dégen: "Bu sowghatlar qedirliktur, bu yardemler bibahadur. Men ishinimenki, bu yardemge érishken oqughuchilar téximu tiriship öginip, partiye en'enisige warisliq qilip, yéngiliq yaritip, jenggiwar iz basarlargha aylinidu we köpchilikning ümidini yerde qoymaydu".

Közetchilerning qarishiche, xitay hökümiti hazir Uyghur mekteplerning hemmisini dégüdek idiyesi qizillashqan xitay ma'aripchilirigha tutquzup qoyghan bolup, ular mekteplerge kungzi-méngzilarning heykilini tiklep, sinipqa shi jinpinglarning resimini chaplap, xitay medeniyiti we partiye idiyesini kitabtin tartip oqush qorallirighiche singdürüp, Uyghur oqughuchilarning körüsh sezgüsidin oy-xiyallirighiche hemmini kontrol qilip, öz medeniyitidin qilche bixewer bir ewlad Uyghurlarni yétishtürüshni muhim wezipe qilghan. "Béyjingda a'ilem bar" namida élip bériliwatqan bu pa'aliyetmu emeliyette Uyghur oqughuchilargha xitayni yaxshi körsitish we ularni xitay medeniyitige heweslendürüshni meqset qilghan bir pa'aliyet bolup, bérilgen sowghatlarni "Shéker yalitilghan zeher" déyishke bolidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet