Уйғур диярида 24 милйондин артуқ кишигә "сағламлиқ картиси" тарқитилған

2021-06-10
Share

"шнҗаң гезити" ниң 8-июндики хәвиридә ейтилишичә, уйғур дияридики 24 милйондин артуқ кишигә пүтүн хитай тәвәсидә ортақ ишләйдиған "аһалиләр сағламлиқ картиси" тарқитилған. Хәвәрдә ейтилишичә, пуқралар бу карта арқилиқ дохтурханиларда номур елиш, кесәл көрситиш дегәндәк давалинишқа даир рәсмийәтләрни беҗирсә болидикән. 

Хәвәрдә буниң пуқралар билән давалиниш муәссәсәлири оттурисидики учур алақисини күчәйтиш ролини ойнайдиғанлиқи алаһидә тәкитләнгән. Шуниңдәк пуқраларниң саламәтлик учурини топлап башқурушқа қолайлиқ яритидиғанлиқиму әскәртилгән. Әмма муһаҗирәттики анализчилар буниң әмәлийәттә хитай һөкүмитиниң ‍уйғурларни техиму қаттиқ контрол қилишидики бир муһим вастә болуп қелиши мумкинликини алға сүрмәктә. Америкадики мустәқил анализчи елшат һәсән хитай һөкүмитиниң өткән бирнәччә йилда пүткүл уйғурларниң қан әвришкиси вә башқа биологийәлик учурлирини толуқ системилаштуруп чиққанлиқини тәкитләп: "шүбһисизки, шәрқий түркистандики хитай пуқралири бу хилдики картини давалинишқа ишлитиши мумкин, әмма уйғурлар үчүн ундақ әмәс. Буниңдики муһим мәқсәт йәнила уйғурларни пүтүн хитай миқясида техиму үнүмлүк контрол қилишни көзләштур," деди. 

Алақидар хәвәрләрдә көрситилишичә, бу хилдики сағламлиқ картиси хитай миқясида тарқитилған болуп, пуқраларниң туғулғандин тартип өлүп кәткичә болған барлиқ сағламлиқ учурлири мушу картида сақлинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт