Xitay hökümiti Uyghur kadirlar arqiliq chet'el diplomatlirigha teshwiqat qilmaqta

Muxbirimiz eziz
2021-08-03
Share

Xitay hökümiti bashqurushidiki "Tengritagh tori" ning 3-awghusttiki xewiride éytilishiche, Uyghur aptonom rayonluq hökümetning mu'awin re'isi erkin tunyaz yéqinda xitay hökümitining teklipi boyiche Uyghur diyarigha ziyaretke kelgen mozambik, an'gola, éstoniye, nigériye qatarliq döletlerning makaw (awmén) da turushluq konsulliri bilen körüshken.

Xewerde éytilishiche, erkin tunyaz xitay hökümitining "Uyghurlar hazir eng bextiyar halette" deydighan kona muqamini qayta tekrarlighan. Shuning bilen birge gherbtiki "Düshmen küchler" ning "Shinjangda irqiy qirghinchiliq boluwatidu" dep "Ighwa toqughan" liqini chüshendürgen. Ziyaretke kelgen diplomatlarmu xitayni tégishlik maxtighan.

Kishilerning diqqitini qozghighini bu qétimqi wekiller qatarida ürümchige kelgenlerdin éstoniye konsuli "Shinjang bilen makaw otturisida sayahet we ma'arip sahesidiki almashturushni kücheytish lazim" dégen. Emma xitay hökümitini teripleydighan alahide sözlerni qilmighan.

Melum bolushiche, sabiq sowét ittipaqining uzun yilliq diktatora hakimiyiti astida ézilgen döletlerning biri bolghan éstoniye bolup, izchil özlirining Uyghur diyaridiki kishilik hoquq ehwaldin endishe qiliwatqanliqini ipadilep kelgenidi.

Amérikidiki musteqil analizchilardin élshat hesen bu heqte pikir qilip "Xitay hökümiti herqachan mushu xil shekilde mangqurtliship ketken Uyghur emeldarlirini aldigha chiqirip qoyup, özlirining 'aliyjanab xisliti'ni namayan qilidu. Emma bu xildiki emeldarlarning roli tügigende ularni eskiy paypaqni chörüp tashlighandek tashliwétidu. Nur bekrining qismiti buning janliq misali" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet