Кишилик һоқуқ тәшкилатлири хәлқара ширкәтләрни уйғур елидә кишилик һоқуққа әмәл қилишқа чақирди

Мухбиримиз әркин
2020-11-16
Share

Хәлқара кишилик һоқуқ хизмити тәшкилати билән дуня уйғур қурултийи 16-ноябир баянат елан қилип, хәлқара ширкәтләрни уйғур елидә кишилик һоқуққа әмәл қилиш мәҗбурийитини ада қилиш чақирған. Баянатта тәкитлишичә, хитайниң уйғур елидики бастуруши, техникилиқ назарәт вә бихәтәрлик тәдбирлири б д т ниң сода вә кишилик һоқуқ мәсилисидики йетәкчи принсипини иҗра қилишни имкансиз әһвалға чүшүрүп қойған. Ширкәт вә мупәттишләрниң мал тәминат зәнҗиригә алақидар ишәнчлик учурларға еришиш мумкинчилики қалмиған.

Мәзкур баянат б д т ниң кишилик һоқуқ вә сода мунбири йиғини башланған күни елан қилинди. Мәлум болушичә, б д т ниң 16-ноябир башлинип 18-ноябир ахирлишидиған мәзкур йиғиниға һөкүмәт әмәлдарлири, ширкәтләр, банкилар, аммиви тәшкилатлар вә илмий тәтқиқатчилар қатнишип, б д т ниң кишилик һоқуқ вә сода саһәсидики йетәкчи принсиплирини қандақ иҗра қилишни, ширкәтләрниң кишилик һоқуққа һөрмәт қилиши, учриған кишилик һоқуқ дәпсәндичиликлирини қандақ түзитиш қатарлиқ мәсилиләрни музакирә қилидикән.

Баянатта йәнә «һөкүмәтләрниң конкрет тәдбирләрни қоллинип, ширкәтләрниң уйғур ели билән болған сода мунасивитигә б д т ниң кишилик һоқуқ вә сода йетәкчи принсиплириға мас келидиған қаидә-түзүмләрни бекитиши, импорт чәклимилирини йолға қоюши вә қошумчә тәдбирләрни елиши» тәләп қилинған. Баянатта тәкитклишичә, «б д т хитай вәзийити, болупму уйғур ели вәзийитини назарәт қилиш, доклат қилиш, кишилик һоқуққа хилаплиқ қилғучиларни җавабкарлиққа тартиштики ролини күчәйтиши керәк» икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт