Kishilik hoquq teshkilatliri xelq'ara shirketlerni Uyghur élide kishilik hoquqqa emel qilishqa chaqirdi

Muxbirimiz erkin
2020-11-16
Share

Xelq'ara kishilik hoquq xizmiti teshkilati bilen dunya Uyghur qurultiyi 16-noyabir bayanat élan qilip, xelq'ara shirketlerni Uyghur élide kishilik hoquqqa emel qilish mejburiyitini ada qilish chaqirghan. Bayanatta tekitlishiche, xitayning Uyghur élidiki basturushi, téxnikiliq nazaret we bixeterlik tedbirliri b d t ning soda we kishilik hoquq mesilisidiki yétekchi prinsipini ijra qilishni imkansiz ehwalgha chüshürüp qoyghan. Shirket we mupettishlerning mal teminat zenjirige alaqidar ishenchlik uchurlargha érishish mumkinchiliki qalmighan.

Mezkur bayanat b d t ning kishilik hoquq we soda munbiri yighini bashlan'ghan küni élan qilindi. Melum bolushiche, b d t ning 16-noyabir bashlinip 18-noyabir axirlishidighan mezkur yighinigha hökümet emeldarliri, shirketler, bankilar, ammiwi teshkilatlar we ilmiy tetqiqatchilar qatniship, b d t ning kishilik hoquq we soda sahesidiki yétekchi prinsiplirini qandaq ijra qilishni, shirketlerning kishilik hoquqqa hörmet qilishi, uchrighan kishilik hoquq depsendichiliklirini qandaq tüzitish qatarliq mesililerni muzakire qilidiken.

Bayanatta yene "Hökümetlerning konkrét tedbirlerni qollinip, shirketlerning Uyghur éli bilen bolghan soda munasiwitige b d t ning kishilik hoquq we soda yétekchi prinsiplirigha mas kélidighan qa'ide-tüzümlerni békitishi, import cheklimilirini yolgha qoyushi we qoshumche tedbirlerni élishi" telep qilin'ghan. Bayanatta tekitklishiche, "B d t xitay weziyiti, bolupmu Uyghur éli weziyitini nazaret qilish, doklat qilish, kishilik hoquqqa xilapliq qilghuchilarni jawabkarliqqa tartishtiki rolini kücheytishi kérek" iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet