خىتاي ھۆكۈمىتى ئۇيغۇر ئانىلار ۋە ئۆسمۈرلەرنى قىرغىنچىلىققا قارشى تەشۋىقاتلارغا ئىشلەتمەكتە

مۇخبىرىمىز ئەزىز
2021-11-23
Share

خىتاي ھۆكۈمىتىنىڭ ئۇيغۇر دىيارىدىكى قىرغىنچىلىق قىلمىشى يېقىنقى مەزگىللەردە خەلقئارانىڭ كۈچلۈك تەنقىدىگە ۋە ئەيىبلىشىگە دۇچ كەلگەن ئىدى. ئەنە شۇ خىل ئەھۋالغا تاقابىل تۇرۇش ئۈچۈن خىتاي ھۆكۈمىتى يېقىندا ئۇيغۇر ئانىلار ۋە ئۆسمۈرلەرنى تەشكىللەپ «قىرغىنچىلىق سەپسەتىسىگە قارشى مۇخبىرلارنى كۈتۈۋېلىش يىغىنى» چاقىرغان.

«خىتاي خەۋەرلىرى» تورىنىڭ بۇ ھەقتىكى خەۋىرىدە ئېيتىلىشىچە، خىتاي دائىرىلىرى كېرىيە، يەركەن، ئاقچى، تېكەس ۋە ئۈرۈمچىدىكى بىر قىسىم ئۇيغۇر ئانىلارنى ئېكرانغا چىقىرىپ ئۇلارنىڭ ئاغزىدىن نۆۋەتتىكى بەختىيار تۇرمۇش ۋە خاتىرجەم ھايات ھەققىدە مەدھىيە ئوقۇتقان. ئارقىدىنلا يىغىن مەيدانىدىكى مۇخبىرلارغا ئاشۇ ئۇيغۇر ئۆسمۈرلىرى ۋە ئانىلارنىڭ بۇ ھەقتىكى ئالدىن ۋىدىيوغا ئېلىنغان سۆزلىرىنى قويۇپ بېرىپ «غەرپ دۇنياسىدىكى بىر قىسىم دۈشمەن كۈچلەر شىنجاڭدا ئىرقىي قىرغىنچىلىق بولۇۋاتىدۇ، دەپ بىزگە تۆھمەت قىلىۋاتىدۇ. ئەمىلىيەتتە ھەر مىللەت خەلقى ھازىر ئەڭ بەختىيار ھالەتتە ياشاۋاتىدۇ» دېگەن.

ھالبۇكى سىن كۆرۈنۈشلىرىدىكى ئانىلار ۋە بالىلارنىڭ كۆپىنچىسى خىتايچە سۆزلىگەن بولۇپ، ئۇيغۇر دىيارىدىكى ئۇيغۇر تىلىنىڭ مەنئى قىلىنىشىغا دائىر ئۇچۇرلارنى ۋاستىلىك ھالدا ئەكس ئەتتۈرگەن. ئەمما ئۆتكەن بىر نەچچە ئايدا غەرب دۇنياسىدا ئارقىمۇ-ئارقىدىن ئېلان قىلىنغان ئۇيغۇرلار ھەققىدىكى دوكلاتلاردا ئۇيغۇرلارنىڭ لاگېرلارغا قامالغانلىرى ياكى لاگېر سىرتىدىكىلىرىنىڭ ئەمەلىيەتتە ئانچە پەرق قىلمايدىغان مۇھىتتا ئىكەنلىكى ئېيتىلىپ «پۈتكۈل رايون نۆۋەتتە ئۈستى ئوچۇق تۈرمىگە ئايلاندۇرۇلغان» دەپ كۆرسىتىلگەنىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت