Хитайниң америкадики тәсирини күчәйтишкә салған селинмисини ‍өткән йили 500 пирсәнт көпәйгән

Мухбиримиз әркин
2021-05-11
Share

Хитай һөкүмитиниң йеқинқи бир қанчә йил ичидә өзиниң америкадики тәсирини күчәйтишкә салған селинмисини зор миқдарда көпәйткәнлики мәлум болған. Америкидики "сиясәт инкаси мәркизи" намлиқ көзитиш ‍орниниң ашкарилишичә, хитайниң америкадики униңға ишләйдиған чәтәл вакаләтчи агентлириға сәрп қилған селинмиси шиддәтлик көпийип, 2016-йилқи 10 милйон доллардин 2020-йили 64 милйон долларға чиққан. Буниң билән униң йеқинқи 4 йил ичидә салған бу җәһәттики селинмиси 500 пирсәнт ашқан.

Бәзи көзәткүчиләрниң қаришичә, хитайниң америкадики тәсирини күчәйтишкә салған селинмисини зор миқдарда ашуруши униң сода, әқлий мүлк, җәнубий деңиз, уйғур, тәйвән, хоңкоң қатарлиқ мәсилиләрдә, болупму уйғурларға "ирқий қирғинчилиқ" қилғанлиқини инкар қилип, америка җамаәт пикирини парчилаш, америкада ‍өзигә пайдилиқ җамаәт пикири пәйда қилиш пилани билән мунасивәтлик икән.

Мәлум болушичә, хитайниң шинхуа агентлиқи, "җуңго гезити", CGTN қатарлиқ ‍ахбарат васитилири америкадики хитай вакаләтчи ‍органлири сүпитидә тизимға елинған болуп, шинхуаниң ‍өзила 2020-йили 3-айдин кейин өзиниң америкадики вакаләтчи тармақ органлириға 8. 6 Милйон доллар бәргән. "сиясәт инкаси мәркизи" ниң ейтишичә, хитайниң "америкада қалаймиқан вә хата учур тарқитиш һәрикити американиң сода, сиясий, иҗтимаий иқлимға интайин реал ақивәтләрни елип келидикән."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт