Xitayning amérikadiki tesirini kücheytishke salghan sélinmisini ‍ötken yili 500 pirsent köpeygen

Xitay hökümitining yéqinqi bir qanche yil ichide özining amérikadiki tesirini kücheytishke salghan sélinmisini zor miqdarda köpeytkenliki melum bolghan. Amérikidiki “Siyaset inkasi merkizi” namliq közitish ‍ornining ashkarilishiche, xitayning amérikadiki uninggha ishleydighan chet'el wakaletchi agéntlirigha serp qilghan sélinmisi shiddetlik köpiyip, 2016-yilqi 10 milyon dollardin 2020-yili 64 milyon dollargha chiqqan. Buning bilen uning yéqinqi 4 yil ichide salghan bu jehettiki sélinmisi 500 pirsent ashqan.

Bezi közetküchilerning qarishiche, xitayning amérikadiki tesirini kücheytishke salghan sélinmisini zor miqdarda ashurushi uning soda, eqliy mülk, jenubiy déngiz, Uyghur, teywen, xongkong qatarliq mesililerde, bolupmu Uyghurlargha “Irqiy qirghinchiliq” qilghanliqini inkar qilip, amérika jama'et pikirini parchilash, amérikada ‍özige paydiliq jama'et pikiri peyda qilish pilani bilen munasiwetlik iken.

Melum bolushiche, xitayning shinxu'a agéntliqi, “Junggo géziti”, CGTN qatarliq ‍axbarat wasitiliri amérikadiki xitay wakaletchi ‍organliri süpitide tizimgha élin'ghan bolup, shinxu'aning ‍özila 2020-yili 3-aydin kéyin özining amérikadiki wakaletchi tarmaq organlirigha 8. 6 Milyon dollar bergen. “Siyaset inkasi merkizi” ning éytishiche, xitayning “Amérikada qalaymiqan we xata uchur tarqitish herikiti amérikaning soda, siyasiy, ijtima'iy iqlimgha intayin ré'al aqiwetlerni élip kélidiken.”