Хитай армийәси 1959-йилидики тибәт қозғилиниңниң хатирә күнидә ласада һәрбий һәйвә көрсәткән

Мухбиримиз қутлан
2017-03-11
Елхәт
Пикир
Share
Принт


10-Март күни тибәт хәлқиниң 1959-йилидики зор қозғилиңи хитай компартийәси тәрипидин шәпқәтсизләрчә бастурулған бир қара күн.

Дуняниң җай-җайлиридики тибәт муһаҗирлири 1959-йилидики тибәт қозғилиңиниң 58 йиллиқини хатириләп, хитай әлчиханилири алдида наразилиқ намайиши өткүзиватқан бир пәйттә хитай армийәси ласада һәрбий һәйвә көрситишкә башлиған.

Кишилик һоқуқни көзитиш тәшкилатиниң нйо-йорктин бәргән хәвиригә қариғанда, хитай һөкүмити 3-ай кириши билән тибәт райониға қаритилған йоқири бесимлиқ тәқипини йәниму күчәйткән.

Хәвәрдә дейилишичә, 3-март күни хитай хәлқ азадлиқ армийәсиниң тибәттә турушлуқ 5 миң кишилик хилланған қисми миң данә һәрбий аптомобил билән бирликтә ласа кочилирида һәрбий күч көрсәткән.

Игилинишичә, нөвәттә тибәт аптоном райони йоқири дәриҗилик бихәтәрлик агаһландуруши елан қилған болуп, 2-айдин таки 3-айниң ахириғичә чәтәллик саяһәтчиләрниң тибәткә киришини чәклигән.

Ройтерз агентлиқиниң хәвәр қилишичә, 10-март күни һиндистан пайтәхти йеңи делһида йүзлигән тибәтләр хитай әлчиханиси алдида намайиш өткүзүп: «тибәт хитайниң бир қисми әмәс, бизгә әркинлик керәк!» дәп шуар товлиған.

Пикирләр (0)
Share
Толуқ бәт