Хитай өзбекистан пуқралириға виза беришни тохтитип қойған

Мухбиримиз үмидвар
2016-10-02
Share

Азадлиқ радиосиниң хәвәр қилишичә, хитай хәлқ җумһурийитиниң өзбекистан пайтәхти ташкәнттә турушлуқ әлчиханиси өзбекистан пуқралириға виза беҗиришини тохтитип қойған.

Мәлум болушичә, асаслиқи паспортида түркийә җумһурийитиниң визиси бар шәхсләргә виза берилмигән икән. Азадлиқ радиосиниң хитай әлчиханә тәрәптин игилишичә, хитай тәрәп бу йил 30 - авғуст күни бишкәктики хитай әлчиханиси бомба һуҗумиға учриғандин кейин, хитай өзбекистан пуқралириға виза беришниму тохтитип қойған. Азадлиқ радиоси хитай әлчниханисиға телефон қилип, бу әһвални уқушқанда телефонни қобул қилған хадим һазир 30 - авғусттин илгирики виза илтимаслириға қарап чиқиватқанлиқини әскәрткән вә виза мәсилисигә аит әһвалини игиләш үчүн консул бөлүмигә телефон қилишни сориған. Әмма азадлиқ радиоси консул бөлүмигә тохтимай тәләп қилсиму, қобул қилидиған адәм чиқмиған.

Ташкәнттики бир виза вә саяһәт ишлири билән шуғуллинидиған ширкәтниң хадими 9 - айдин башлап, хитайниң өзбекистан пуқралириниң хитайға, җүмлидин үрүмчигә бериш үчүн виза беҗиришни тохтатқанлиқини билдүргән.

Хәвәрләрдин мәлум болушичә, қирғизистанниң хитайдики консулханисиму қирғизистан пуқралириниң хитайға, җүмлидин уйғур райониға бериш үчүн виза беришни тохтитип қойғанлиқи сәвәбидин қирғизистан дипломатийә саһәсиниң диққитини тартқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт