Хитайда корона вируси баш көтүрүп, 22 милйон киши өйлиригә бәнт қилинған

Мухбиримиз ирадә
2021-01-14
Share

Хитай өлкилиридә корона вируси йәнә тарқилип, 22 милйон киши өйлиригә бәнт қилинған.

"ню-йорк вақти гезити" ниң хәвәр қилишичә, хитай һазир өткән йили яздин буянқи әң начар корона вируси юқум мәзгилини баштин кәчүрүватқан болуп, бу дәл хитай һөкүмити өзини юқумни тезгинләштә ғәлибә қилдуқ, дәп махтиниватқанда йүз бәргән.

Мәлум болушичә, бу айниң бешида бейҗиң әтрапидики бир өлкидики йезида өткүзүлгән той мурасимиға қатнашқанларниң вирус билән юқумланғанлиқи ашкариланған. Даириләр буниң билән шиҗяҗуаң вә шиңтәй қатарлиқ 17 милйондин артуқ нопуси бар икки шәһәрни тақиған. Бир нәччә күн ичидә барлиқ аһалиләрни тәкшүрүшни буйруқи чүшүргән. Қатнашни тохтитип, той, дәпнә мурасими вә йиғинларни әмәлдин қалдурған.

Бу һәптә бешида болса қамални бейҗиң, лаңфаң вә шундақла хейлоңҗяң өлкисигә қарашлиқ бир наһийәгичә кеңәйткән. Җәмий 22 милйондин артуқ киши өйидин чиқмаслиққа буйрулған.

"ню-йорк вақти гезити" ниң ейтишичә, бу хитайда өткән йили 1-айда хитай мәркизи һөкүмити вирус тунҗи қетим байқалған мәркизи шәһәр вухәнни тақиғанда тәсиргә учриған амминиң икки һәссисигә тәң болуп, көләм җәһәттин қариғанда бу қетимлиқ тақашни пәвқуладдә дәп қарашқа болидикән.

Һазир шималдики шәнши өлкиси вә хейлуңҗяң вә җилин қатарлиқ өлкиләрдиму йеңи юқум әһваллири көрүлгән. Шаңхәй шәһири юқум тезгинләш тәдбирлирини ашурған. Вирус әң дәсләп тарқалған вухәндә йәнә бир қетимлиқ тақаш болидиғанлиқи һәққидә миш-миш параңлар болуватқан икән.

"ню-йорк вақит гезити" ниң ейтишичә, бу қетимлиқ юқум хитай һөкүмитиниң "вирусни тезгинләштә ғәлибә қазандуқ", дәп қиливатқан тәшвиқатиниң суға чилишишиға сәвәбчи болуп қелиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт