Amérika istixbarat organliri xitayning korona wirusining kélish menbesige a'it génétikiliq zor sanliq melumatini qolgha chüshürgen

Muxbirimiz erkin
2021-08-06
Share

Amérika istixbarat organliri korona wirusining kélish menbesini ashkarilaydighan zor miqdardiki halqiliq xitay gén sanliq melumat uchurlirini qolgha chüshürgen. CNN Ning xewer qilishiche, nöwette amérika stixbarat organliri korona wirusining menbesini ashkarilaydighan bu halqiliq sanliq melumat uchurlirini bir terep qilmaqtiken.

Weqedin xewerdar kishiler CNN ge bergen uchurida, bu zor miqdardiki sanliq melumat uchuri katalogi xitayning wuxen tejribixanisida tetqiq qilin'ghan wirusidin élin'ghan DNA xeritilirini öz ichige alidighanliqini bildürgen.

CNN Ning éytishiche, amérika stixbarat organlirining bu sanliq melumat uchurlirigha qachan we qandaq érishkenliki éniq emes iken. Biraq xewerde wiruslarning bu xil gén sanliq melumatlirini yasash we bir terep qilishqa qatnashqan mashinilarning adette sirtqi bulutni asas qilghan mulazimétirlargha ulaghliq bolidighanliqi we buning tor hujumigha ochuq ikenliki bildürülgen. CNN Ning éytishiche, hazir bu xam sanliq melumat uchuri terjime qilinip, paydiliq uchurgha aylandurulmaqtiken.

Biraq xewerde bu xam sanliq melumatlarni paydiliq ‍uchurgha aylandurushta nurghun qiyinchiliqlarning barliqi, nöwette amérikining eng dangliq 17 tetqiqat orni amérika énérgiye ministirliqining memliketlik tejribixanisidiki derijidin tashqiri kompyutérlarda bu meshghulatni élip bériwatqanliqi bildürülgen. Xitay hökümiti izchil korona wirusining menbesini tekshürüsh teleplirini ret qilip amérikani eyiblep kelgen. Amérika prézidénti jow baydén bu yil 5-ayda amérika istixibarat organlirigha korona wirusining menbesini tekshürüp, 90 kün ichide ‍özige doklat qilish toghrisida buyruq bergenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet