Xitay da'iriliri mesile bar waksinilarning 24 ölkige tarqalghanliqini iqrar qildi

Muxbirimiz méhriban
2016-03-21
Share

Xitay da'iriliri 21 - mart düshenbe küni uqturush chiqirip, sendungda ishlen'gen 12 xil mesile bar waksinining 24 ölkige tarqalghanliqini élan qildi. Uqturushta yene bu xil waksinilarni kirgüzgen, ishletken doxturxana, dawalash merkezliri we dorixanilarning 25 - mart jüme künigiche shu jaylardiki sehiye idarilirigha melumat yollishini jiddiy telep qilghan.

Melum bolushiche, 3 - ayning béshida gu'angdung ölkisi xéyüen shehiridiki 4 yashliq bir bala yeslide waksina urulghandin kéyin, qizzip aghrip qalghan. Kéyin doxturxanida baligha urulghan waksinida mesile barliqi éniqlan'ghan. Saxta waksina emlen'gen bala dawalash ünüm bermey 4 kündin kéyin ölgen. Weqedin kéyin, sendungda ishlen'gen waksina heqqide jiddiy éniqlash élip bérilip, saxta waksinilardin 12 xili barliqi ashkarilan'ghan. Bu xil mesile bar waksinilarning köpligen xitay ölkilirige kéngeygenliki ijtima'iy taratqularda munazire témisigha aylinip, xitayda naraziliq kücheygen idi.

Ilgiri radiyomiz igiligen ehwallarda, bir qisim Uyghur ata, anilarning, waksin urush bahanisi bilen balilirini kisel qilip qoyushidin endishe qilip, waksina urushni ret qiliwatqanliqi xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet