Xitay xelq qurultiyi rehbiri xongkong musteqilliq idiyisini eyiblidi

Muxbirimiz ümidwar
2016-11-30
Share

Xitayning xongkong we makaw ishlirigha mes'ul eng yuqiri derijilik emeldari we xitay xelq qurultiyining mudiri jyang déjyang xongkong musteqilliqigha qarshi küresh qilishni telep qildi.

B b s agéntliqining yézishiche, yéqinqi waqitlardin buyan xongkongda küchiyiwatqan musteqilliq choqanliridin qattiq ghezeplen'gen jyang déjyang 29-noyabir küni xongkongluqlarning ammiwi jem'iyetliridin biri "Xongkongdiki awazlargha yardem körsitish" jem'iyiti wekillirini qobul qilghanda éytqan sözide, xongkong musteqilliq idiyiwi herikitini "Döletke apet, xelqqe ziyan élip kélidu" dep eyiblep, xongkong ahalisining buninggha qarshi qet'iy küresh qilishini telep qilghan.

Xewer menbeliride qeyt qilinishiche, "Xongkongdiki awazlargha yardem körsitish" jem'iyiti xitay kommunist hökümitini yaqlaydighan we xongkongdiki démokratik heriketlerge qarshi turidighan ammiwi jem'iyet iken.

Shinxu'a agéntliqining qeyt qilishiche, jyang déjyang jem'iyetning élip barghan xizmetlirini mu'eyyenleshtürüp, bu teshkilatning xongkong ahalisining xongkong musteqilliqigha qarshi küresh qilishini kéngeytishini, dölet birlikini qoghdap, "Bir dölette ikki xil tüzüm" siyasitini dawamliq ilgiri sürüshini telep qilghan.

Béyjing hökümiti xongkong musteqilliq idiyisining bash kötürüshi we buning teywen musteqilliq idiyiliri bilen birlishish yüzlinishidin narazi bolghan.

30-Noyabir küni xitay dölet ishliri kabinéti teywen ishliri ishxanisining bayanatchisi ma shawgu'ang "Xongkong musteqilchiliri", we "Teywen musteqilchi kochiliri"ning uz-ara til biriktürüsh weziyiti shekilliniwatqanliqini tekitlep, teywen terepni agahlandurghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet