Xitay hökümiti Uyghurlar heqqidiki yéngi bir meydan yalghanchiliqni bashlidi

2021-06-01
Share

Xitay hökümiti 1-iyun küni mexsus bayanat élan qilip "Shinjangdiki kishilik hoquqning tereqqiyati ötken besh yilda ghayet zor netijilerge érishti" dep jakarlidi.

"Xitay xewerliri" torining xewiride éytilishiche, shuningdin bir kün burun béyjing shehiride ötküzülgen muxbirlarni kütüwélish yighinida xitay dölet kabinétigha qarashliq axbarat ishxanisining xadimi li shyawjün yuqiriqi sözlerni qilghan. Shuningdek ötken besh yildin buyan Uyghurlar we bashqa milletlerning siyasiy, iqtisad, ma'arip, diniy étiqad we medeniyet jehetlerdiki heqlirining téximu mukemmelleshkenlikini, döletning buni toluq qoghdawatqanliqini alahide tekitligen.

Emma Uyghur diyaridiki irqi'iy qirghinchiliqning bir qismi süpitide Uyghurlarning til-yéziqi, diniy étiqadi, turmush örp-adetliri qatarliqlarning men'i qilinwatqanliqi'i shunche ashkara melum boluwatqanda xitay hökümitining yene bu xildiki bayanatlarni bazargha sélishi'i bir qisim analizchilarning eyiblishige uchridi. Amérikadiki musteqil közetküchi ilshat hesen heqte pikir qilip: "Xitay hökümiti mushu xildiki yalghanlarni tekrarlawersek bashqilarni ishendürgili bolidu, dep emeliyette özlirini özliri aldash bilen meshghul bolmaqta" dédi.

Xitay hökümitining bu xil yalghanlirining eng yéngisi yéqinda tarqitilish aldida turghan "Shinjangdiki chüshler we ümidler" namliq höjjetlik filim bolup, "Yershari waqti géziti" bu filimni "Uyghurlarning qanchilik bextiyar turmush kechürüwatqanliqini eng yarqin eks ettürüp béridu" dep bahalighan. Xewerde éytilishiche, 53 minutluq bu filimda xitay hökümiti "Tallan'ghan" on nechche shexsni sözlitish arqiliq ularning "Qayta terbiyelesh" jeryanida qandaq yéngi bilimlerni ögen'genliki, shu arqiliq özlirining turmushini maddiy we meniwi jehettin qandaq yéngiliqlargha pürkigenlikini bayan qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet