Yaponiye xitay su asti paraxotining yaponiye ariligha yéqinlashqanliqigha naraziliq bildürdi

Muxbirimiz erkin
2018-01-15
Élxet
Pikir
Share
Print

Yaponiye dölet mudapi'e ministiri düshenbe küni xitay yadro su asta paraxotining igilik hoquqi talash-tartishtiki yaponiye arallirigha yéqinlashqanliqini tenqid qilghan.

Yaponiye dölet mudapi'e ministirliqining bildürüshiche, yaponiye terep xitayning "Shang" namliq bir yadro su asti paraxotining ötken jüme sénkaku arallirigha yéqinlashqanliqini bayqighan.

Rotérz agéntliqining xewer qilishiche, yaponiye dölet mudapi'e ministiri itsonori onodéra düshenbe küni muxbirlargha söz qilip, "Su asti paraxotining bashqa döletning déngiz tewelikide meshghulat élip bérishi xelq'ara mizanlargha xilap," dégen. Uningdin burun yaponiye tashqi ishlar ministirliqining mu'awin ministiri shénsuki sugiyama xitayning yaponiyediki bash elchisi chén yongxu'agha téléfon qilip naraziliq bildürgen idi.

Bu yaponiyening yéqinqi bir hepte ichide xitayni 2‏-qétim uning déngiz tewelikige üsüp kirish yaki uning kontrolluqidiki arallargha yéqinlishish bilen tenqid qilishidur. Ötken hepte xitayning bir su asti paraxoti bilen bir qanche charlash paraxoti sénkaku arallirigha yéqinlashqan. Shu munasiwet bilen yaponiye ichki kabinétining sékrétari yushixidé suga xitaygha naraziliq bildürgen.

Roytérz agéntliqining xewiride körsitishiche, yushixidé suga xitay paraxotlirining herikitini "Epsuslinarliq weqe," dep körsetken.

Xitay herbiy paraxotlirining arqa-arqidin yaponiye arallirigha yéqinlishishi ikki dölet öz ara munasiwitini yaxshilashqa wedileshken mezgilde yüz bergen. Xitay tashqi ishlar ministirliqining bayanatchisi lü kang düshenbe künlük axbarat yighinida, xitay su asti paraxotining sénkaku ariligha yéqinlashqanliqigha da'ir weqedin xewiri yoqlighini, biraq yaponiyening sénkaku arallirining igilik hoquq mesilisidiki pozitsiyesini qobul qilmaydighanliqini bildürgen. Xitay yaponiye kontrolluqidiki sénkaku arilida igilik hoquqi barliqini ilgiri sürüp, bu arallarni "Dyawyü arlliri" dep atap kelgen idi.

Toluq bet