Хитай язғучи яң җишеңниң америкиға келип мукапат елишини чәклиди

Мухбиримиз меһрибан
2016-02-16
Share

Хитайда 1958-дин 1962 йилларғичә йүз бәргән ачарчилиқ вәқәсидә нәччә милйон кишиниң ачарчилиқ вә сиясий күрәшләрдә өлгәнлики тема қилинған "қәбрә теши" намлиқ китабниң язғучиси яң җишеңниң америка харвард университетиға берип "луйис лйонс" мукапатини тапшурувелиши чәкләнди.

Әнглийә "гвардиян" гезитиниң 15-феврал дүшәнбә күни хәвәр қилишичә, мәзкур китабниң аптори яң җишең бу йил 3-айда америкиға келип мукапатини тапшуруп алмақчи болған. Лекин шинхуа агентлиқиниң ашкарилишичә, униң чәтәлгә чиқип мукапат елиши чәкләнгән. яң җишең мухбирларға бу һәқтә пикир баян қилишни рәт қилған. Хитайниң шинхуа агентлиқиму бу һәқтики инкасларға җаваб қайтурмиған.

Мәлум болушичә, яң җишең хитай шинхуа агентлиқиниң сабиқ мухбири болуп, у әйни йиллиридики тарихий материяллар вә әмәлий зиярәтләр асасида йезип чиққан доклат характерлик әсәр "қәбрә теши" намлиқ китабта, хитайда 1958_ 1962 йиллири арисида йүз берип, нурғун амминиң өлүшини кәлтүрүп чиқарған ачарчилиқ вәзийити әкс әттүрүлгән.

Хитай һөкүмити йиллардин буян өткән әсирниң 60-йиллирида йүз бәргән ачарчилиқ вәқәсини "тәбиий апәт" вә "совет һөкүмитиниң қәрз сүйлиши" сәвәбидин келип чиққан дәп елан қилип кәлгән. Лекин әйни йиллиридики һаварайи килимати вә иқтисадий әһвал һәққидики учурларда бу йилларда хитайда зор көләмлик тәбиий апәт вә еғир иқтисадий қийинчилиқ йүз бәргәнликигә аит испатлар тепилмиған. яң җишең китабида әйни йиллири хитай рәиси мав зедуң оттуриға қойған "чоң сәкрәп илгириләш" сияситиниң 36 милйон кишиниң өлүмигә сәвәб болғанлиқини, көпинчә кишиләрниң ачарчилиқ, қийин-қистақ вә суйиқәст сәвәблик өлүп кәткәнликини баян қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт