Xitay hökümiti yéngi zélandiyediki amérika bash elchisige naraziliq bildürdi

Muxbirimiz eziz
2019-10-15
Élxet
Pikir
Share
Print

Yéngi zélandiyediki "Xewer merkizi" qanilining 15-öktebirdiki xewiride éytilishiche, buningdin birnechche kün ilgiri amérikining yéngi zélandiyede turushluq bash elchisi skot brown shu jaydiki "Etigenlik söhbet" programmisida xitay hökümitining söz we pikir erkinlikige hujum qiliwatqanliqini, Uyghurlar diyarida "Yighiwélish lagéri" qurghan ishtin emeliyette yéngi zélandiye bash ministirining xewiri barliqini tekitligen.

Söhbette skot brown bu hadisilerni "Bu peqetla qamlashmighan bir qiliq" dep xitay hökümitini tenqidligen hemde buning tolimu selbiy aqiwetlerge seweb bolidighanliqini bildürgen.

14-Öktebir küni yéngi zélandiyediki xitay elchixanisi buninggha qattiq naraziliq bildürgen. Ular bu heqte pikir qilip "Shinjangdiki ishlar bizning ichki ishimiz. Chet'elliklerning buninggha arilishish heqqi yoq. Biz u jayda térrorluq we esebiylikke qarshi küresh qiliwatimiz" dégen.

Melum bolushiche, 2019-yili iyulda 22 dölet xitay hökümitining Uyghurlar diyaridiki basturush qilmishini eyibligende, yéngi zélandiyemu bu ochuq xetke imza qoyghan iken.

Toluq bet