Хитай даирилириниң «қара күчләргә зәрбә бериш һәрикити» мәдәнийәт базириға кеңәймәктә

Мухбиримиз әзиз
2019-05-07
Елхәт
Пикир
Share
Принт

Уйғурлар диярида әвҗ еливатқан «қара күчләргә вә рәзилликкә зәрбә бериш» һәрикитиниң йеқиндин буян мәдәнийәт вә саяһәт базириға кеңийиватқанлиқи диққәт қозғимақта.

«Шинҗаң гезити» ниң 7-майдики хәвиридә ейтилишичә, йеқинда турпан тәвәсидики ялқун тағ, безәклик, сулайман ваң мунари қатарлиқ җайлардики саяһәт нуқтилирида, шуниңдәк бир қисим торхана вә бәзмиханиларда «қара күчләргә зәрбә бериш» һәрикити иҗра болған. Бу җәрянда бир қисим «қанунға хилаплиқ қилған унсурлар» байқилип, әдлийә орунлириниң бир яқлиқ қилишиға өткүзүп берилгән.

Мәлум болушичә, уйғурлар диярида өткән мәзгилләрдиму давам қилип кәлгән мәдәнийәт базирини «тазилаш» һәрикәтлиридә адәттә шәһваний үн-син буюмлири яки қанунсиз нәшр буюмлири дегәнләр тәкшүрүлүп кәлгән. Әмдиликтә болса мәдәнийәт, тәнтәрбийә вә саяһәт саһәсидики «қара күчләргә зәрбә бериш һәрикити» ниң бу саһә үчүн қандақ йоқитишларни елип келидиғанлиқи диққәт қозғимақта.

Мәлум болушичә, бу һәрикәтниң йәнә бир муһим мәзмуни «қара күчләр» ни паш қилған яки йип учи билән тәминлигән шәхсләрни маддий җәһәттин мукапатлаш тәшвиқати болмақта икән. Корла шәһәрлик һөкүмәт ториниң 7-майдики хәвиридә вилайәтлик һөкүмәтниң бу хил йип учи билән тәмин әткән шәхсләрни 30 миң сомғичә мукапатлиғанлиқи алаһидә хәвәр қилинған. «Қара күчләр» ни паш қилғучилар өзлириниң кейинки бихәтәрлики үчүн бирдәк чошқа башлиқ ниқаб кийип мукапатларни тапшурувалған.

Пикирләр (0)
Share
Толуқ бәт