Xitay da'irilirining "Qara küchlerge zerbe bérish herikiti" medeniyet bazirigha kéngeymekte

Muxbirimiz eziz
2019-05-07
Élxet
Pikir
Share
Print

Uyghurlar diyarida ewj éliwatqan "Qara küchlerge we rezillikke zerbe bérish" herikitining yéqindin buyan medeniyet we sayahet bazirigha kéngiyiwatqanliqi diqqet qozghimaqta.

"Shinjang géziti" ning 7-maydiki xewiride éytilishiche, yéqinda turpan tewesidiki yalqun tagh, bézeklik, sulayman wang munari qatarliq jaylardiki sayahet nuqtilirida, shuningdek bir qisim torxana we bezmixanilarda "Qara küchlerge zerbe bérish" herikiti ijra bolghan. Bu jeryanda bir qisim "Qanun'gha xilapliq qilghan unsurlar" bayqilip, edliye orunlirining bir yaqliq qilishigha ötküzüp bérilgen.

Melum bolushiche, Uyghurlar diyarida ötken mezgillerdimu dawam qilip kelgen medeniyet bazirini "Tazilash" heriketliride adette shehwaniy ün-sin buyumliri yaki qanunsiz neshr buyumliri dégenler tekshürülüp kelgen. Emdilikte bolsa medeniyet, tenterbiye we sayahet sahesidiki "Qara küchlerge zerbe bérish herikiti" ning bu sahe üchün qandaq yoqitishlarni élip kélidighanliqi diqqet qozghimaqta.

Melum bolushiche, bu heriketning yene bir muhim mezmuni "Qara küchler" ni pash qilghan yaki yip uchi bilen teminligen shexslerni maddiy jehettin mukapatlash teshwiqati bolmaqta iken. Korla sheherlik hökümet torining 7-maydiki xewiride wilayetlik hökümetning bu xil yip uchi bilen temin etken shexslerni 30 ming somghiche mukapatlighanliqi alahide xewer qilin'ghan. "Qara küchler" ni pash qilghuchilar özlirining kéyinki bixeterliki üchün birdek choshqa bashliq niqab kiyip mukapatlarni tapshuruwalghan.

Toluq bet