Xitay hökümiti “Qanunsiz tor betliri” ge kirgenlerni tekshürüshni kücheytken

Washin'gtondin muxbirimiz jewlan teyyarlidi
2024.03.27

Yéqindin buyan xitayda chet elning tor betlirini ziyaret qilidighanlarni tekshürüsh téximu küchiyip ketken. Saqchilar ammiwi aptobus yaki métrogha chiqqanlarni tosattin tekshürüp, “Qanunsiz tor betliri” ni ziyaret qilghuchilarni tépishqa urunmaqta iken.

Radiyomiz xitayche bölümining 26-mart künidiki xewirige qarighanda, jaylardiki xitay saqchiliri yolda kétiwatqan ademlerning téléfonidiki ep détallirini we tor ziyaret xatirisini tekshürüp, hökümet chekligen tor betlirige VPN arqiliq kirgenlerni axturushqa kirishken.

Intérnét barliqqa kelgendin bashlapla, xitay hökümiti chet elning yutub, féysbok qatarliq dangliq tor betlirini ziyaret qilishni cheklep kelgen bolup, bu cheklimilerni buzup tashlashqa urun'ghanlarning “Tamdin atlighanlar” dep qarilip, xitay xewpsizlik tarmaqlirining tehdit we bésimlirigha uchrap kéliwatqanliqi, bezilirining hetta türmige tashlan'ghanliqi melum.

Xewerde éytilishiche, 2022-yil yüz bergen “Aq qeghez namayishi” din kéyin xitay da'iriliri kocha-koylar we ammiwi qatnashni tuyuqsiz tekshürüshini kücheytken bolup, qandaqtur “Tashqi küchlerning singip kirishi” ge qarshi tedbir alghan؛ shundaqla kishilerning téléfonigha “Aldamchiliqqa qarshi turush détali” ni mejburiy qachilitip, bu yumshaq détal arqiliq ularning téléfon ishlitish ehwalini nazaret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.