Xelq'ara kishilik hoquqni közitish teshkilati xitayni kishilik hoquq adwokatlirini qoyuwétishke chaqirdi

Muxbirimiz irade
2016-01-07
Share

Xelq'ara kishilik hoquqni közitish teshkilati bügün mexsus bayanat élan qilip, xitay hökümitini mexpiy jayda nezerbendte turuwatqan 38 neper kishilik hoquq adwokati we pa'aliyetchilirini azad qilishqa chaqirdi.

Bayanatta körsitilishiche, ular 2015-yili 7-aydin 9-ayghiche bolghan ariliqta xitay hökümiti qolgha alghan 300 neperdin artuq kishilik hoquq adwokatliri we pa'aliyetchilirining bir qismi bolup, eyni chaghda gerche qolgha élin'ghanlarning köpi ipadisi élin'ghandin kéyin qoyuwétilgen bolsimu, emma bu 38 nepiri téxiche qoyuwétilmigen. Ular xitayning jinayi ishlar qanunidiki "Jinayet gumandarlirini 6 ayghiche belgilik orunda tutup turush" maddisigha asasen tutup turulmaqta iken.

Kishilik hoquqni közitish teshkilatining asiya ishliri diréktori sofi richardson bayanattiki sözide "Bu kishilerni mexpiy jayda tutup turush xitay dölet re'isi shi jinpingning, xitay qanun arqiliq bashqurulidighan dölet dégen sözini mesxire qilmaqta" dégen.

U, bu kishilerning 6 ayliq tutup turush waqtining 1-ayning 9-küni toshidighanliqini eskertip "Bu kishiler eger xitay qanunida békitilgen 6 ay ichide yene qoyuwétilmise, u halda bu, xitay hökümitining özi élan qilghan qanunni ijra qilmaydighanliqini namayan qilip béridu" dep eskertken.

Xitayning jinayi ishlar qanunining 73-maddisigha asasen, da'iriler adette "Dölet bixeterlikige tehdit peyda qilish", "Térrorluq" we yaki zor chiriklik délolirining gumandarlirini 6 ay boyiche mexpiy bir orunda tutup tursa bolidiken. Biraq, kishilik hoquqni közitish teshkilati bayanatida, xitayda hökümetni we kommunist partiyini tenqid qilghanlarningmu "Dölet bixeterlikige tehdit peyda qilish" bilen eyiblinidighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet