Xelq'ara kechürüm teshkilati xitay da'irilirini adwokat rén chü'ennyuni qoyuwétishke chaqirdi

Muxbirimiz irade
2016.07.14

Xelq'ara kechürüm teshkilati 14-iyul küni bayanat élan qilip, xitay saqchi da'irilirini qanunsiz halda qolgha élin'ghan adwokat rén chü'ennyuni derhal qoyuwétishke chaqirdi. Bayanattin melum bolushiche, rén chü'ennyu yéqinda qolgha élin'ghan kishilik hoquq adwokati jaw wéyning adwokati bolup, u ijtima'iy alaqe wastilirigha uchur yollap, jaw wéyning türmide saqchilarning parakende qilishigha uchrighan bolushi mumkinlikini élan qilghandin kéyin 9-iyul küni tutup kétilgen.

Jéng ju sheherlik jama'et xewpsizlik da'iriliri uni “ Qalaymiqanchiliq chiqirip, tertipni buzghan” dep eyibligen we öz tor bétide rén chü'ennyuning “ Ösek söz tarqatqanliqini” étirap qilghanliqini ilgiri sürgen. Biraq, u 11-iyul küni türmige özini ziyaret qilghili kelgen adwokatigha buning yalghanliqini éytip, saqchi da'irilirining sözini ret qilghan.

Xelq'ara kechürüm teshkilati bayanatida, adwokat rén chünnyuning türmide qiyin-qistaqqa élinish yaki sarang qiyapitide dawalinishqa élinip jazalinish éhtimalliqini barliqini bildürdi. Mezkur teshkilat yene da'irilerni uni derhal qoyuwétishke hem shundaqla uning qamaqtiki jeryanida toghra mu'amile körüshige kapaletlik qilishqa chaqirdi.

Xitayda puqralar hoquqi adwokatlirining jazagha uchrash mesilisi xelq'ara hoquq teshkilatlirining izchil diqqitige ériship kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.