Xitaydiki radiy-téléwiziye we bashqa axbarat wasitiliri yenimu qattiq kontrol astigha élinmaqchi

Muxbirimiz irade
2018-03-22
Share

Xitay kompartiyesi xitaydiki axbarat organlirini yenimu ilgirilep kontrol astigha élish üchün heriketke ötken.

3-Ayning 21-küni xitay da'iriliri xitayning merkiziy xelq radiyo istansisi, merkiziy téléwiziye istansisi, junggo xelq'ara radiyo istansisi qatarliq taratqularni birleshtürüp "Merkiziy radiyo-téléwiziye bash istansisi" qurush heqqidiki qararini élan qilghan.

"Washin'gton pochtisi" gézitining xewirige qarighanda, bu xitay dölet re'isi shi jinpingning xitaydiki barliq sahelerde kompartiyening bashqurushi we nazaritini kücheytish yolidiki urunushlirining biri bolup, xitaydiki axbarat, radiyo - téléwiziye we kinochiliq sahesining yenimu ilgiriligen halda xitay kompartiyesining teshwiqatchisigha aylinidighanliqidin dérek béridiken.

Yéngi qarar boyiche esli mewjut bolghan dölet axbarat-neshriyat, radiyo, kino-téléwiziye bash idarisi emeldin qaldurulghan bolup, mezkur organning wezipisi biwasite halda merkiziy komitét teshwiqat bölümige ötküzüp bérilgen.

Xongkong pen-téxnika uniwérsitétining proféssori dawid ziwéyg "Washin'gton pochtisi" gha qilghan sözide buning hemme kishining idiyesini birleshtürüsh boyiche élin'ghan zor bir qedem ikenlikini, xitay puqralirining emdi xitayning aktip teshwiqat istémalchilirigha aylinishtin bashqa yolining qalmighanliqini bildürgen.

Xewerde éytilishiche, bu xitayda axbarat we idé'ologiye sahesining bundin kéyin yenimu qattiq bashqurulidighanliqidin dérek béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet