Хитай хәлқарадики ахбарат әркинлики вә журналистлар үчүн әң хәтәрлик дөләт дәп баһаланди

Мухбиримиз ирадә
2016.12.13

Бүгүн, хәлқара чеграсиз мухбирлар тәшкилати йиллиқ ахбарат әркинлики доклатини елан қилип, дунядики 180 дөләтни ахбарат әркинлик дәриҗисигә қарап рәткә тизип чиқти. Хитай бу тизимликтә 176-орунға тизилип, әң начар дөләтләр қатаридин орун алған.

Доклатта, хитай дөләт рәиси ши җинпиңниң дөләт бихәтәрлик қануни вә шуниңға охшаш башқа қанун-түзүмләр арқилиқ журналистларниң хизмәт даирисини илгириләп тарайтиватқанлиқи, уларға дөләт мәхпийәтликини ашкарилаш, дегәнгә охшаш җинайәтләрни артип, түрмиләргә еливатқанлиқи баян қилинған.

Бүгүн, йәнә, хәлқара мухбирларни қоғдаш комитетиму йиллиқ доклатини елан қилған болуп, хитай бу доклаттиму дунядики журналистлар әң көп түрмигә ташлинидиған дөләтләрниң бири болуп баһаланған. Униңдин қариғанда, хитайда һазир кәм дегәндә 38 нәпәр журналист түрмидә болуп, у әкбәрҗан җамал, мәмәтҗан абдулла, нияз қаһар, гүлмирә имин, ғәйрәт нияз, ниҗат азад вә шундақла илһам тохти вә униң 7 нәпәр оқуғучисиниму өз ичигә алидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.