Xitayda “Chet'elliktin qorqush” xahishi yamrimaqta

Muxbirimiz eziz
2020-03-31
Share

Xitay hökümitining wuxen shehiridin bashlan'ghan tajsiman wirusning menbesini chet'eldin izdesh urunushlirining bir mezmuni dölet ichide bu heqtiki bu xildiki teshwiqatqa köplep orun bérishte eks etken idi. Nöwette buning roshen ünümige érishkenliki türlük shekillerde körülmekte.

“Muhapizetchi” gézitining 30-marttiki maqaliside éytilishiche, xitay hökümitining “Yawropa we amérikada tajsiman wirusning shiddet bilen yamrap ketkenliki, shu sewebtin xitay chégrasining chet'eldin kélidighan sayahetchilerge taqalghanliqi” heqqidiki teshwiqatliri xitay puqraliri arisida kök köz we sériq chach kelgen chet'elliklerni körüp qalsa beder qachidighan külkilik weziyetni yaratqan. Yene kélip xitay hökümitining “Bizde wirustin yuqumlan'ghan yéngi bimarlarning hemmisi chet'eldin kelgen kishiler” dégen mezmundiki xewerliri bu hadisige téximu zor selbiy menilerni qoshqan. Buning bilen bir qisim jaylardiki réstoranlar, magizinlar we méhmanxanilarda bir qisim xitaylarning chet'elliklerni körse ulargha haqaret qilishtek qilmishlirimu yüz bergen.

Béyjingdiki bir amérikaliq oqughuchi bu heqte söz qilip “Baghchida balisini yétilep kéliwatqan bir ayal méni körüpla balisini kötürginiche qéchip ketti,” dégen. Yéqindin buyan xitaydiki bir qisim ijtima'iy taratqu betliride “Chet'ellik exletlerdin tarqilish aldida turuwatqan ikkinchi qétimliq wirus balasidin hoshyar bolayli” dégendek sho'arlar köpiyip qalghan.

Maqalida éytilishiche, xitay hökümiti tajsiman wirusning menbesining chet'el ikenlikini zor küch bilen teshwiq qiliwatqanliqtin xitay puqraliri arisida chet'elliklerdin qorqidighan, ulardin özini tartidighan yaki ulargha ishenmeydighan bir omumiy keypiyat shekillenmekte iken. Bolupmu xitay hökümiti “Chet'ellikler chégradin kirishke bolmaydu” dégen belgilimini ijra qilishqa bashlighandin buyan bu hal téximu éghirlashqan.

Béyjingda yashawatqan amérikaliq tarixshunas jéréméy jénni bu heqte söz qilip: “Eger yéqin kelgüside wirusni eyiblesh toghra kélip qalsa buning nishani chet'ellikler bolidu,” dégen.

Halbuki, xitay hökümitining sanliq melumatliridin qarighanda, “Xitayda tajsiman wirusi kontrol qilindi” dégen teshwiqat otturigha chiqqandin buyan xitay chégrasidin kirgen hemde yéngidin wirus yuqumdari, dep békitilgen “Chet'ellikler” ning 90 pirsentidin köpreki chet'el puqraliqidiki xitaylar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet